काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

पाँच किलो सुनसहित काठमाडौंबाटै एक पक्राउ

8.34K
shares

राजधानीको तारकेश्वर तीनपिप्ले भन्ने स्थानबाट पाँच किलो सुनसहित एकजना पक्राउ परेका छन् ।

तीनपिप्लेमा चेकजाँच गर्दा महानगरीय प्रहरी परिसरको टोलीले मंगलबार बेलुकी पाँच किलो सुन बरामद गरेको परिसरले जानकारी दिएको छ । सुनसहित रसुवाका १८ वर्षीय सोबहादुर तामाङ पक्राउ परेको प्रहरीले जनाएको छ ।

सो सुन रसुवा नाकाबाटै भित्र्याएको प्रहरीले जनाएको छ । सुन धनी भने फेला नपरेको र पक्राउ परेका तामाङ भरिया मात्र भएको प्रहरीको दाबी छ । धनीका विषयमा प्रहरीले अनुसन्धान थालेको जनाएको छ ।

तामाङले बेलुकी पाँच बजेतिर कम्मर र जुत्तामा सुन लुकाएर ल्याएका थिए । उनले कम्मरमा तीन र जुत्तामा दुई किलो सुन बोकेका थिए ।

सोमबार त्रिभुवन विमानस्थलबाटै एक भारतीय नागरिक साढे दुई किलो अवैध सुन नेपाल ल्याउदै गर्दा पक्राउ परेका थिए । यसअघि असोज ९ गते रसुवागढी नाकाबाटै ल्याइएको तीन किलो अवैध सुनसहित दुई जना पक्राउ परिसकेका छन् ।