मध्यपश्चिामाञ्चल विश्वविद्यालयको रजिष्ट्रारमा यामबहादुर कार्की नियुक्त भएका छन् । आइतबार कार्कीले विश्वविद्यालयको रजिष्ट्रारमा पदबहाली गरेका छन् ।

गत २० गते रजिष्ट्रार महेन्द्र मल्ल निलम्बित भएपछि आइतबार नयाँ रजिष्ट्रार यामबहादुर कार्कीले पद बहाली गरेका हुन् । रजिष्ट्रार मल्लले पदीय आचरणको काम नगरेको भन्दै विश्वविद्यालयसभाका एक चौथाई सदस्यले बिहीबार कुलपति समक्ष निवेदन दिएका थिए ।

बिहीबार नै प्रधानमन्त्री तथा कुलपति केपी शर्मा ओलीले छानबिन समिति गठन गरी रजिष्ट्रार मल्ललाई निलम्बित गरेपछि रजिष्ट्रारमा यामबहादुर कार्कीलाई नियुक्ती गरेका थिए ।

बिहीबार नियुक्ति पाएका कार्कीले भने आईतबार विश्वविद्यालयको केन्द्रीय कार्यालय सुर्खेतमा पद बहाली गरेका हुन् ।

पदबहालीपछि रजिष्ट्रार यामबहादुर कार्कीले विश्वविद्यालयको हित अनुरुपको काम गर्ने बताए । ‘विभिन्न विद्यार्थी संगठन, राजनीतिक दल तथा विद्यार्थीलाई समेत मिलाएर लैजाने छु,’ कार्कीले भने । सकेसम्म विश्वविद्यालयको हित हुने काम आफूले गर्ने रजिष्ट्रार कार्कीले प्रतिवद्धता व्यक्त गरे ।