काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

कांग्रेस केन्द्रीय समिति बैठकमा नेताहरूबीच चर्काचर्की

13.21K
shares

पदाधिकारी विवाद मिलाउन बसेको कांग्रेस केन्द्रीय समिति बैठकमा नेताहरूबीच चर्काचर्की परेको छ । बैठकमा विवाद उत्कर्षमा पुग्ने देखिएपछि उपसभापति विजय गच्छदार सहमतिको लागि भन्दै बाहिरिएका छन् ।

केन्द्रीय समितिमा कुरा मिल्न नसकेपछि नेताहरूले पुनः आ–आफ्ना गुट समात्दै कोठे बैठक थालेका छन् । ललितपुर जिल्ला सभापति मदन अमात्यको घरमा छुट्टै गोप्य बैठक बसिरहेको छ । गुट अन्त्य नगरी कांग्रेसको भलो नदेख्ने नेताहरूसमेत गुट बैठकमा सहभागी भएका छन् ।

कांग्रेसमा पदाधिकारी विवाद मंगलबार नै टुंगिएको बताइए पनि पार्टी सभापति शेरबहादुर देउवाकै कारण पुनः विवाद बल्झिएको नेताहरूले बताएका छन् । पूर्वसहमतिबाट देउवा पछि हटेकाले विवाद बल्झिएको उनीहरूको आरोप छ । पदाधिकारी विवाद टुंगिन नसकेपछि जारी महासमिति बैठक लम्बिने भएको छ ।

कांग्रेस शीर्ष नेताहरुले मंगलबार साँझ उपसभापति, महामन्त्री र सहमहान्त्री दुर्इ/दैए जना राख्ने र कोषध्यक्षबाहेक सबै निर्वाचित हुने सहमति गरेको बताइएको थियो । सोही सहमतिअनुसार बुधबार महामन्त्री एवं विधान संशोधन मस्यौदा समितिका संयोजक पूर्णबहादुर खड्काले केन्द्रीय कार्यसमिति बैठकमा प्रस्ताव अघि सारे । तर, समावेशी नभएको भन्दै देउवा पक्षीय नेताहरू फरमुल्लाह मन्सुर, मानबहादुर विश्वकर्मा, सीता गुरुङ, वीरबहादुर बलायर, किशोरसिंह राठोर, एनपी साउदलगायतले विरोध गरेका थिए ।

विवाद मिलाउन भन्दै आज बिहान बसेको केन्द्रीय समिति बैठकमा दुवै पक्षका नेता आ–आफ्ना अडानबाट टसमस नभएपछि चर्काचर्की भएको हो । बैठकबाट निस्किएका नेताहरू सहमतिको प्रयासका लागि भन्दै गुटगत भेलामा जुटेका छन् ।