‘ए’ डिभिजन लिगमा आजदेखि ११औं चरणका खेल
वि.सं.२०७५ पुस ११ बुधवार १४:२१
shares

शहीद स्मारक ‘ए’ डिभिजन लिग फुटबलमा बुधबारदेखि ११ औँ चरणका खेल हुँदैछन् ।
आज तीन खेल हुनेछन् । ललितपुरको सातदोबाटोस्थित एन्फा कम्प्लेक्समा बिहान ११ बजे हुने खेलमा ब्रिगेड ब्वाइजले हिमालयन शेर्पा क्लबसँग प्रतिस्पर्धा गर्ने छ । १४ अंक जोडेको हिमालयन आठौँ र मात्र ६ अंक जोडेको ब्रिगेड ब्वाइज १२औं स्थानमा छ ।
एन्फा कम्प्लेक्समा नै दिउँसो साढे दुई बजे जावलाखेल युथ क्लबले मछिन्द्र क्लबसँग प्रतिस्पर्धा गर्ने छ । १० खेलबाट ६ अंक जोडेको मछिन्द्र क्लब पुछारबाट दोस्रो स्थानमा छ । ८ अंक जोडेको जावलाखेल १०औँ स्थानमा छ ।
यस्तै, आजै दिउँसो साढे दुई बजे हलचोक मैदानमा पुछारमा रहेको न्युरोड टिम एनआरटीे फ्रेण्ड्स भिड्नेछन् । एनआरटी ११औँ स्थानमा छ । एनआरटीको १० खेलबाट चार तथा फ्रेण्ड्सको ८ अंक छ ।
मनाङ मर्स्याङ्दी १० खेलबाट ३० अंकसहित शीर्ष स्थानमा छ । दोस्रो स्थानमा रहेको संकटाकोे २५ अंक छ ।

























