काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

वरिष्ठ लोक गायक बुद्धिकृष्ण लामिछानेको निधन

11.87K
shares

वरिष्ठ लोक गायक तथा लोक गीत सङ्कलक बुद्धिकृष्ण लामिछानेको निधन भएको छ । ६६ वर्षको उमेरमा शुक्रबार उनको निधन भएको भतिजा नवराज लामिछानेले जानकारी दिए । भक्तपुरको चागुनारायण नगपालिकामा बस्दै आएका लामिछाने लामो समयदेखि अस्वस्थ थिए ।

उनले लोक गायकको रुपमा लामो समयसम्म रेडियो नेपालमा योगदान दिएका छन् । उनले हिजो आजका कुरा, तितो सत्य लगायतका नेपाली टेलिशृङ्खलाहरुमा पनि अतिथी कलाकार भूमिका निर्वाह गरेका छन् ।

उनले नेपाली सेनामा पनि योगदान दिएका थिए । लामिछानेको ‘घाँस काट्ने खुर्केर, आयो जोवन हुर्केर’, ‘पिँढीमा बसेर, मेरी आमा रुँदी हुन् मलाई सम्झेर’ जस्ता लोकप्रिय गीत गाएका थिए । ‘तिम्रो र मेरो मायाको डोरो बेरौं कि फन्फनी कान्छी बेरौं कि फन्फनी’ लगायतका गीत पनि उनकै हुन् ।

लामिछानेका २ छोरा, ३ छोरी र श्रीमती छन् । छोरीहरु विवाह गरेर कर्मघर गइसकेका छन् । भक्तपुरको बागेश्वरी स्थित लामिछानेको पुर्ख्यौली घरमा अहिले २ छोरा र उनकी धर्मपत्नी छिन् ।

यो पनि पढ्नुहोस् ।

राज्यले भुलेको एउटा ‘गहना’, ‘मलाई मर्न मन छैन, अझै केही गर्न मन छ’