काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

शंखधर साख्वा राष्ट्रिय संग्राहलय स्थापना गरिने

20.06K
shares

संघीय मामिला तथा सामान्य प्रशासनमन्त्री लालबाबु पण्डितले नेपाल संवतका प्रवर्तक राष्ट्रिय विभूति शंखधर साख्वाबारे यथेष्ठ जानकारी दिने उद्देश्यका साथ राष्ट्रिय संग्राहलय स्थापना गरिने बताएका छन् । भक्तपुरमा आयोजित नेपाल संवतको शुभारम्भ कार्यक्रममा उनले शंखधर साख्वाको संग्राहलय स्थापनाका लागि सम्बन्धित नगरपालिकालाई जग्गा व्यवस्थामा मिलाउन आग्रह पनि गरे । मन्त्री पण्डितले शंखध्वर साख्वाले गरिब जनताको ऋणमोचन गरेर ऐतिहासिक योगदान दिएको पनि स्मरण गराए ।

कार्यक्रममा नेपाली कांग्रेसका नेता गोपालमान श्रेष्ठले नेपाल संवतलाई राष्ट्रिय चाडको रुपमा घोषणा गर्न सरकारसँग माग गरे । सरकारले नेपाल संवतलाई राष्ट्रिय चाडको मान्यता दिन ढिलाइ नगर्ने विश्वास पनि उनले व्यक्त गरे ।

यता, सत्तारुढ नेपाल कम्युनिस्ट पार्टी (नेकपा) का नेता एवम् पूर्वमन्त्री महेश बस्नेतले नेपाल संवतलाई राष्ट्रिय चाडको मान्यता दिने गरी सरकारले आवश्यक प्रक्रिया अघि बढाएको दाबी गरे ।