काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

मेडिसिटीमा हरेक शुक्रबार निःशुल्क मुटु परामर्श

15.04K
shares

नेपाल मेडिसिटी अस्पतालले नयाँ वर्ष २०१९ को उपलक्ष्यमा प्रत्येक शुक्रबार बिहान ९ बजेदेखि दिउँसो १ बजेसम्म मुटुरोग विशेषज्ञहरुसँग निःशुल्क परामर्श प्रदान गर्ने भएको छ । मुटुरोगको परामर्शको आवश्यकतालाई मध्यनजर गरी अस्पतालले सर्वसाधारणका लागि विशेष अभियान सञ्चालन गरेको जनाएको छ ।

अधिकांश मानिसमा मुटुरोगको लक्षण महसुस नहुने र समस्या हुँदाहुँदै पनि त्यसबारेमा अवगत नहुने भएकाले मुटुसम्बन्धी समस्या या मुटुरोग बढ्दै गएका कारण यो अभियानले बेलैमा समस्याको पहिचान र उपचारमा टेवा पुग्ने विश्वास अस्पतालको छ । नेपाली समुदायमा अझै पनि समस्या नदेखिएसम्म अस्पतालमा उपचार गर्ने अभ्यास नरहेकाले स्वस्थ अवस्थामा पनि उपचार गरी ढुक्क रहन यस अभियानले प्रेरीत गर्नेमा अस्पतालका मुटुरोग विशेषज्ञहरुको अपेक्षा छ ।

मुटुसम्बन्धी समस्याको परामर्शका लागि आउनुपूर्व नाम दर्ता गर्न नेपाल मेडिसिटी अस्पताल व्यवस्थापनले अनुरोध गरेको छ । परामर्शसँगै थप परीक्षण गर्नुपर्ने खण्डमा अस्पतालले विशेष सहुलियतसमेत प्रदान गर्ने जनाएको छ । सो परीक्षणहरुमा इसिजी, इको, र्यान्डम ब्लड सुगर, लिपिड प्रोफाइल र क्रिएटिनाइन छन् । आगामी तीन महिनासम्मका लागि लागू हुने यस अवसरबाट मुख्यतः ४० वर्ष उमेरमाथिकाले बढी लाभ लिन सक्नेछन् ।