भूकम्प प्रतिरोधी घर बनाउन जनकपुरधाम उपमहानगरको आग्रह
वि.सं.२०७५ माघ १ मंगलवार १७:५२
shares

जनकपुरधाम उपमहानगरपालिकाले भूकम्प प्रतिरोधी घर बनाउन आग्रह गरेको छ । भूकम्पीय जोखिमका दृष्टिले नेपाल ११ औं नम्बरमा रहेकाले नेपाल भूकम्पीय जोखिममा रहेको भन्दै उपमहानगरले सुरक्षित घर बनाउन आग्रह गरेको हो ।
भूकम्प प्रविधि राष्ट्रिय समाज नेपालको प्राविधिक सहयोगमा जनकपुरधाम उपमहानगरपालिकाले भूकम्पीय जोखिम व्यवस्थापनका लागि स्थानिय सञ्चारकर्मीहरुका लागि आयोजना गरिएको कार्यशाला गोष्ठिमा उपमहानगर प्रमुख लालकिशोर साहले सुरक्षित आवास निर्माण गर्नुपर्नेमा जोड दिए ।
साहले २०७२ सालमा गएको विनासकारी भूकम्पले सिन्धुपाल्चोक र गोरखामा ठूलो क्षति भएको उल्लेख गर्दै साहले त्यस्तै क्षति नहोस् भन्नका लागि सुरक्षित आवास निर्माणलाई जोड दिनुपर्ने बताए ।

























