स्पेनिस लिग ला लिगामा सेभियाले लेगानेससँग लज्जास्पद हार बेहोरेको छ ।
शुक्रबार राति भएको खेलमा सेभियाले घरेलु मैदानमै लेगानेससँग ३–० को पराजय बेहोरेको हो ।

घरेलु टोली सेभियाको हारमा लेगानेसका युसेफ इन नेस्री, मार्टिन ब्रेथवेट र ओस्कार रोड्रिग्वेजले गोल गरे । आठौं मिनेटमा युसेफले गोल गरेका थिए । २०औं मिनेटमा मार्टिनले अग्रता दोब्बर बनाए ।

खेल भर लेगानेसलाई दवावमा राखेको सेभियाले गोल भने गर्न सकेन । ८२औं मिनेटमा ओस्कार रोड्रिग्वेजले गोल गर्दै लेगानेसलाई ३–० को जित दिलाए ।

सेभियाले चौथो स्थानमा उक्लने मौका गुमाएको छ । सेभियाको ३६ खेलबाट ५५ अंक छ भने एक खेल कम खेलेको गेटाफे ५५ अंकसहित चौथो स्थानमा छ । लेगानेस नवौं स्थानमा छ ।

प्रकाशित समय : १४:३० बजे