काठमाडौं । आज २०८३ साल कार्तिक २२ गते आइतबार । आज नरक चतुर्दशी, कुकुर तिहार र लक्ष्मी पूजा एकै दिन परेका छन् । धार्मिक तथा सांस्कृतिक दृष्टिले विशेष महत्त्व बोकेको आजको दिन नेपाली साहित्यका महाकवि लक्ष्मीप्रसाद देवकोटाको जन्मजयन्तीसमेत मनाइँदैछ ।

ज्योतिषीय गणनाअनुसार आज चतुर्दशी तिथि बिहान १०ः५४ बजेसम्म रहनेछ भने त्यसपछि औँसी सुरु हुनेछ । चन्द्रमा तुला राशिमा रहने भएकाले विभिन्न राशिका व्यक्तिको दैनिकी, कार्यक्षेत्र, आर्थिक अवस्था र पारिवारिक जीवनमा फरक प्रभाव पर्न सक्ने ज्योतिषीय मान्यता छ ।

मेष (चु, चे, चो, ला, लि, लु, ले, लो, अ)

आज कामकाजमा नयाँ उत्साह र जाँगर बढ्नेछ । रोकिएका काम अघि बढाउने अवसर मिल्न सक्छ । आर्थिक पक्षमा सुधार आउने संकेत छ । परिवारका सदस्यसँग आत्मीयता बढ्नेछ । व्यापार व्यवसायमा नयाँ योजना बनाउन अनुकूल समय छ । स्वास्थ्यमा सामान्य थकान हुन सक्ने भएकाले आराममा ध्यान दिनुहोला । शुभ रंग : रातो, शुभ अंक : ९

वृष (इ, उ, ए, ओ, वा, वि, वु, वे, वो)

आज धैर्य र विवेकपूर्वक काम गर्दा राम्रो परिणाम प्राप्त हुनेछ । आर्थिक कारोबारमा सावधानी अपनाउनुहोला । पहिले गरेको मेहनतको फल प्राप्त हुने सम्भावना छ । पारिवारिक गलतफहमी हट्नेछ भने प्रेम तथा दाम्पत्य जीवनमा मधुरता बढ्नेछ । खानपानमा विशेष ध्यान दिनुहोला । शुभ रंग : सेतो, शुभ अंक : ६

मिथुन (का, कि, कु, घ, ङ, छ, के, को, ह)

आज नयाँ व्यक्तिसँग भेटघाट र सम्पर्क विस्तार हुने योग छ । सञ्चार, लेखन तथा बौद्धिक क्षेत्रमा संलग्न व्यक्तिलाई राम्रो अवसर मिल्न सक्छ । काममा व्यस्तता बढे पनि परिणाम सकारात्मक रहनेछ । साथीभाइसँग रमाइलो भेटघाट हुन सक्छ । बोलीमा संयमता अपनाउनुहोला । शुभ रंग : हरियो, शुभ अंक : ५

कर्कट (हि, हु, हे, हो, डा, डि, डु, डे, डो)

आज पारिवारिक सुख र आत्मीयतामा वृद्धि हुनेछ । घरपरिवारसँग सम्बन्धित महत्त्वपूर्ण निर्णय लिनुपर्ने हुन सक्छ । आर्थिक क्षेत्रमा क्रमशः सुधार आउनेछ । कार्यक्षेत्रमा जिम्मेवारी बढ्न सक्छ । धार्मिक तथा आध्यात्मिक गतिविधिमा रुचि बढ्नेछ । भावनामा बहिएर निर्णय नगर्नुहोला । शुभ रंग : सेतो, शुभ अंक : २

सिंह (मा, मि, मु, मे, मो, टा, टि, टु, टे)

आज आत्मविश्वास र कार्यक्षमतामा वृद्धि हुनेछ । नेतृत्वदायी भूमिकामा रहेका व्यक्तिले आफ्नो क्षमता प्रदर्शन गर्ने अवसर पाउनेछन् । रोकिएका काम पुनः सुरु हुन सक्छन् । आर्थिक लाभको सम्भावना रहे पनि खर्चमा नियन्त्रण आवश्यक छ । परिवारमा सुखद वातावरण रहनेछ भने मानसम्मान प्राप्त हुने योग छ । शुभ रंग : सुनौलो, शुभ अंक : १

कन्या (टो, पा, पि, पु, ष, ण, ठ, पे, पो)

आज योजनाबद्ध रूपमा काम गर्दा सफलता प्राप्त गर्न सकिनेछ । व्यापार तथा व्यवसायमा नयाँ सम्भावना देखिन सक्छ । आर्थिक लेनदेन गर्दा कागजात र हिसाबकिताब स्पष्ट राख्नुहोला । विद्यार्थीका लागि अध्ययनमा एकाग्रता बढाउने समय छ । खानपानमा ध्यान दिनुहोला । शुभ रंग : हरियो, शुभ अंक : ५

तुला (रा, रि, रु, रे, रो, ता, ति, तु, ते)

आज चन्द्रमा आफ्नै राशिमा रहेकाले आत्मविश्वास र उत्साह बढ्नेछ । सामाजिक तथा व्यावसायिक क्षेत्रमा नयाँ अवसर प्राप्त हुन सक्छ । अरूको सहयोगले रोकिएका काम सम्पन्न हुनेछन् । आर्थिक पक्षमा सुधार आउने संकेत छ । प्रेम तथा दाम्पत्य सम्बन्धमा समझदारी बढ्नेछ । महत्त्वपूर्ण निर्णय गर्दा हतार नगर्नुहोला । शुभ रंग : गुलाबी, शुभ अंक : ६

वृश्चिक (तो, ना, नि, नु, ने, नो, या, यि, यु)

आज काममा केही ढिलासुस्ती र मानसिक दबाब अनुभव हुन सक्छ । व्यक्तिगत तथा गोप्य विषय अरूलाई सुनाउँदा सावधानी अपनाउनुहोला । आर्थिक कारोबारमा जोखिम नलिनु राम्रो हुनेछ । परिवारका सदस्यसँग समय बिताउँदा मन हल्का हुनेछ । पर्याप्त आराम गर्नुहोला । शुभ रंग : मरुन. शुभ अंक : ९

धनु (ये, यो, भा, भि, भु, धा, फा, ढा, भे)

आज साथीभाइ तथा सहयोगीबाट महत्त्वपूर्ण साथ प्राप्त हुन सक्छ । नयाँ योजना र कामको सुरुवात गर्न उत्साह बढ्नेछ । आर्थिक क्षेत्रमा सुधारका संकेत देखिन्छन् । सामाजिक कार्यमा सहभागी हुने अवसर मिल्न सक्छ । वैदेशिक क्षेत्रसँग सम्बन्धित काममा सकारात्मक प्रगति हुन सक्छ । शुभ रंग : पहेँलो, शुभ अंक : ३

मकर (भो, जा, जि, खि, खु, खे, खो, गा, गि)

आज कार्यक्षेत्रमा जिम्मेवारी र व्यस्तता बढ्न सक्छ । मेहनतअनुसार परिणाम प्राप्त गर्न केही समय लागे पनि निराश नहुनुहोला । उच्च पदस्थ व्यक्तिको सहयोग प्राप्त हुने सम्भावना छ । आर्थिक निर्णय सोचविचार गरेर लिनुहोला । पारिवारिक दायित्व पूरा गर्नुपर्ने हुन सक्छ । शुभ रंग : नीलो, शुभ अंक : ८

कुम्भ (गु, गे, गो, सा, सि, सु, से, सो, द)

आज भाग्यको साथ प्राप्त हुने र नयाँ अवसर खुल्ने सम्भावना छ । धार्मिक तथा आध्यात्मिक गतिविधिमा सहभागी हुँदा मनमा शान्ति मिल्नेछ । अध्ययन, अनुसन्धान र ज्ञानवृद्धिका क्षेत्रमा राम्रो प्रगति हुनेछ । लामो समयदेखि रोकिएको काम अघि बढ्न सक्छ । यात्राको योजना बनाउँदा आवश्यक तयारी गर्नुहोला । शुभ रंग : आकाशी, शुभ अंक : ८

मीन (दि, दु, थ, झ, ञ, दे, दो, चा, चि)

आज गोप्य तथा महत्त्वपूर्ण विषयमा विशेष सावधानी अपनाउनुपर्नेछ । आर्थिक लेनदेन र साझेदारीका काममा स्पष्टता राख्नुहोला । कार्यक्षेत्रमा धैर्यपूर्वक अघि बढ्दा सफलता प्राप्त हुनेछ । पारिवारिक सम्बन्धमा अनावश्यक शंका र विवादबाट टाढा रहनुहोला । धार्मिक कार्य तथा ध्यानले मानसिक शान्ति प्रदान गर्नेछ । शुभ रंग : पहेँलो, शुभ अंक : ३