गैर आवासीय नेपाली संघ बेलायतका अध्यक्ष सुनिल बाबु खडकाले नयाँ बर्ष २०२३ को शुभकामना प्रदान गर्दै संघलाई अझै प्रभावकारी बनाएर लैजाने प्रतिवद्धता जनाएका छन् ।

अंग्रेजी नयाँ बर्षलाई विश्वभर भव्य स्वागत गरिरहँदा अध्यक्ष खड्काले बेलायतबासी नेपाली र समस्त गैर आवासीय नेपाली संघ बेलायतका सदस्यसहित नेपालीहरुमा शुभकामना सन्देश जारी गरेको प्रवक्ता शशांक शर्माले जानकारी दिए । अध्यक्ष खड्काले सुख, शान्ति, सु-स्वास्थ्य र उत्तरोत्तर प्रगति शुभकामना व्यक्त गरेका छन् ।

बेलायतमा संघको स्थापना भएयता विभिन्न उतारचढाव भइरहेको कुरालाई स्मरण गर्दै उनले समयसँगै नेतृत्वले सही ढंगले सम्बोधन गर्न सफल भइरहेको बताए । ‘गैर आवासीय नेपाली संघ बेलायतको यो इतिहासलाई मेरो नेतृत्वमा रहेको कार्यसमितिले पनि अगाडी बढाउने कुरामा विश्वस्तु छु,’ उनले भने ।

यस कार्यमा आफुलाई सहयोग गर्न सबै बेलायतबासी नेपालीलगायत संघको अन्तर्राष्ट्रिय नेतृत्वलाई समेत अनुरोध गरेको प्रवक्ता शशांक शर्माले बताए  ।

प्रकाशित समय : ०९:४१ बजे