सहिद स्मारक ‘ए’ डिभिजन लिग फुटबल प्रतियोगिताकाे मिति सरेकाे छ । प्रतियोगिता फागुन १९ गतेबाट सुरु हुने भएको हाे ।

अखिल नेपाल फुटबल संघ (एन्फा) र १४ वटा ‘ए’ डिभिजन क्लबबीच बिहीबार बसेको बैठकले लिग फागुन १९ गतेबाट सुरु गर्ने सहमति बनेको छ । लिग डबल राउण्ड रोबिनको आधारमा हुनेछ । गत हप्ता बसेको बैठकले बिहीबार लिगको मिति तय गर्न एन्फा र क्लब सहमत भएका थिए ।

यसअघि एन्फाले शीर्ष डिभिजनको लिग पुस २८ गतेबाट गर्ने निर्णय गरेको थियो । तर, तयारी खर्च नपाएको भन्दै क्लबहरुले तोकिएको मितिमा लिग खेल्ने अस्वीकार गर्दै आएका थिए ।

यस पटकको लिग विजेताले ७५ लाख , दोस्रो टोलीले ५० लाख र तेस्रो हुने टोलीले २५ लाख रुपैयाँ पाउनेछन् । फेयर प्ले अवार्डको नगद पुरस्कार वृद्धि गर्दै ३ लाख पुर्‍याइएको छ ।

प्रकाशित समय : १७:५० बजे