मेलम्ची खानेपानी परियोजनाले सोमबारदेखि सुरुङमा पानी भर्न सुरु गरेको छ । अस्थायी रूपमा मेलम्ची नदीको पानी पुन: काठमाडौं ल्याउन सुरु गरेको मेलम्ची खानेपानी समितिले सामाजिक सञ्जालमार्फत जानकारी गराएकाे हाे ।

समितिले २६ किमी सुरुङ भर्न सिन्धुपाल्चोकको हेडवर्क्सबाट पानी भर्न सुरु गरेको छ । बाढीको जोखिम हुने भएपछि गत असारदेखि सुरुङको ढोका बन्द गरिएको थियो ।

‘अस्थायी रूपमा मेलम्ची नदीको पानी पुनः काठमाडौं पथान्तरणको लागि २६ किमी सुरूङ भर्ने कार्य २०७९/०८/१२ देखि प्रारम्भ भएको छ । अबको केही दिनमा मेलम्चीको पानी काठमाडौंको थोक वितरण प्रणालीमा पठाइने छ र लगत्तै वितरणका लागि उपलब्ध हुने छ । यस अवस्थासम्म ल्याइपुर्‍याउन सहयोग गर्नुहुने सम्पूर्ण सहयोगी हात र साथहरूमा विशेष धन्यवाद,’ समितिले फेसबुक पेजमार्फत भनेकाे छ ।

प्रकाशित समय : १४:४४ बजे