काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

‘कमेडियन अपूर्वलाई तुरून्त छोड्न लगाऊ’

9.66K
shares

गायक योगेश्वर अमात्यले प्रहरी हिरासतमा रहेका कमेडियन अपूर्व क्षितिज सिंहलाई रिहा गर्न लगाउनू भन्दै अभियन्ताहरूलाई आग्रह गरेका छन् ।

उनले शनिबार सामाजिक सञ्जाल फेसबुकमा लेख्दै नेवा अभियन्ताहरूसँग यस्ताे आग्रह गरेका हुन् । ‘हाम्रो नेवा: संघ-संगठन पनि गज्जबको लाग्छ। चाहिने मुद्दामा ध्यान छैन । सानो तिनोमा अल्झेर के-के नै गरेको जस्तो । अपूर्वलाई तुरून्त छोड्न लगाऊ,’ उनले फेसबुकमा लेखेका छन् ।

कमेडियन अपूर्वले नेवाको परम्परा शीर्षकमा गरेको स्ट्यान्डअप कमेडीको भिडियाेमा नेवा समुदायलाई लक्षित गरी भाषा, खाना तथा संस्कृतिमा प्रहार गरेको भन्दै अभियन्ताहरूले विरोध गरेका थिए । विरोध भएपछि २४ घण्टा नबित्दै सो भिडिया युट्युबबाट हटाइएको थियो ।

यसमा अपूर्वले माफीसमेत मागिसकेका छन् । तर अभियन्ताहरूले जिल्ला प्रहरी परिसर काठमाडौंमा जाहेरी दिएपछि गत आइतबार कमेडियन अपूर्व पक्राउ परेका हुन् । उनलाई १० दिन हिरासतमा राख्न जिल्ला प्रशासन कार्यालय काठमाडौंबाट अनुमति दिएको छ ।