आइएमई जनरल इन्स्योरेन्सको (आइजीआई) लिमिटेडको बोर्ड सदस्यमा इन्फोडेभलपर्सका सीईओ उमेश रघुवंशी नियुक्त भएका छन् । सोमबार कम्पनीका अध्यक्ष हेमराज ढकालले रघुवंशीलाई बोर्ड सदस्यमा नियुक्त गरेका हुन् । 

रघुवंशी नेपालको आइटी क्षेत्रमा क्रियाशील छन् । २० वर्षअघि उनको नेतृत्वले सुरु गरेको इन्फोडेभलपर्स कम्पनीले ३५० बढीलाई रोजगारी दिइरहेको छ । माइक्रोफाइनान्स, सहकारी र सरकारी सेवा र सुविधालाई प्रविधिमैत्री बनाउन यस कम्पनीले महत्वपूर्ण योगदान दिएको छ ।

आइएमई जनरल इन्स्योरेन्स कम्पनी सन् २००१ मा स्थापना भएको हो । २ अर्बको चुक्ता पुँजी रहेको कम्पनीमा बैंकिङ, हाइड्रोपावर र ट्रेडिङ क्षेत्रका परिचत व्यक्ति तथा समूहरुको संलग्नता छ ।

प्रकाशित समय : १८:२० बजे