वैकल्पिक बाटो तय भएसँगै पदमार्ग पुनः सञ्चालनमा
‘प्राविधिक समस्या’ले सेयर काराेबार प्रभावित, डेढ अर्ब पनि पुगेन काराेबार रकम
वि.सं.२०७८ फागुन ३० सोमवार २१:२२
14.39K
shares
shares
ब्रोकरहरुको डेटा सेन्टरमा गडबडी आएपछि आजको सेयर कारोबार प्रभावित भएकाे छ । दिउँसो १२ बजेर ५३ मिनेटपछि डेटा सेन्टरको समस्याका कारण नेपाल स्टक एक्सचेन्जले केही समयका लागि सेयर कारोबारसमेत रोक्नुपरेको थियो ।
आज २३ लाख ४९ हजार कित्ता मात्रै बिक्री भएको हो । आज १८ हजार ५ सय ९७ पटक मात्रै कारोबार भएको थियो । याेसँगै आज १ अर्ब ३४ करोड २२ लाख ३२ हजार रुपैयाँको सेयर खरिदबिक्री भएका छन् । आज वाणिज्य बैंक, विकास बैंक, अन्य, माइक्रोफाइनान्स, जीवन बिमा, निर्जीवन बिमाको सूचक बढे पनि बाँकी सूचक घटेका छन् ।
थोरै समय कारोबार भएको दिन आज लगानीकर्ताले ६.१० प्रतिशतसम्म कमाएका छन् । गुमाउने लगानीकर्ताले पनि आज ५.७३ प्रतिशतसम्म गुमाए ।
