आरुघाटको मोटरेबल पुल नहुँदा सडक पूर्ण रूपमा अवरुद्ध
साताको अन्तिम दिन झिनो अंकले घट्यो नेप्से
वि.सं.२०७८ मंसिर ९ बिहीवार २१:३१
13K
shares
shares
साताको अन्तिम दिन बिहीबार सेयर बजार झिनो अंकले घटेको छ । सेयर बजार कारोबार मापक नेप्से परिसूचक ३.२२ अंकले घटेर दुई हजार ७३१.७८ अंकमा झरेको छ । आज ठूला कम्पनीको कारोबार मापन पर्ने सेन्सेटिभ परिसूचक भने झिनो अंकले बढेको छ । आज सेन्सेटिभ परिसूचक ०.४५ अंकले बढेर ५१५.६४ अंकमा प्रवेश गरेको छ ।
आज २३३ कम्पनीको ७४ लाख ८६ हजार ५७५ कित्ता सेयर तीन अर्ब ७८ करोड ९७ लाख ९ हजार ३३१ रुपैयाँमा किनबेच भएको छ । नेपाल स्टक एक्सचेन्जमा सूचीकृत १३ उपसमूहमध्ये तीन समूहबाहेक सबै उपसमूह ओरालो लागेका छन् । बैंकिङ ९.७७, होटल तथा पर्यटन २५.६६ र अन्य समूह १९.५१ अंकले बढेका छन् भने व्यापार ४३.१६, विकास बैंक ७०.८७, जलविद्युत २७.४८, वित्त २.०३, निर्जीवन बिमा १५६.८४, उत्पादनमुलक २९.१, लघुवित्त ५१.४१, जीवन बिमा २३.२६ लगानी समूह ०.४९ र सामुहिक लगानी कोषको सेयर घटेको छ ।
