महालक्ष्मी लाइफ इन्स्योरेन्स लिमिटेडले बिमा जागरण राष्ट्रिय अभियानअन्तर्गत सुरु गरेको ‘युवासँग महालक्ष्मी लाइफ’ कार्यक्रम विभिन्न मितिमा सुनसरीको हरिनगरा, मोरङको इटहरी र रौतहटको गौरमा सम्पन्न भएको छ ।

मंसिर ५ गते इटहरी नमुना कलेजमा ५० जना विद्यार्थीको उपस्थितिमा क्याम्पस प्रमुख डीएन न्यौपानेले प्रमुख अतिथि थिए । कार्यक्रममा बिमासम्बन्धी चेतनामुलक प्रशिक्षण कम्पनीका वरिष्ठ सहायक महाप्रबन्धक प्रशान्तराज धमलाले प्रदान गरेका थिए ।

त्यसै गरी सोही दिन हरिनगरा माविमा करिब १५० जना जना विद्यार्थीको उपस्थिति रहेको अर्को कार्यक्रममा बिमासम्बन्धी चेतनामुलक प्रशिक्षण कम्पनीका वरिष्ठ सहायक महाप्रबन्धक धमलाले प्रदान गरेका थिए । उक्त कार्यक्रममा बिमाको आवश्यकता र औचित्यबारे हरिनगरा शाखा प्रमुख सञ्जय शाह तथा उप क्षेत्रीय प्रमुख हिरा निरौलाले प्रकाश पारेकी थिइन् ।

त्यसैगरी मंसिर ६ गते  गौरी शंकर बहुमुखी क्याम्पस, गौर, रौतहटमा ५० जना स्नातक तहका विद्यार्थी उपस्थित कार्यक्रमको अध्यक्षता क्याम्पस प्रमुख रमेश श्रीवास्तवले गरेका थिए । प्रमुख अथिति प्रशासकीय अधिकृत मोहन यादव रहेको उक्त कार्यक्रममा बिमाको महत्वबारे कम्पनीका गौर क्षेत्रका बजार प्रमुख राजेश कुमार शाहले प्रकाश पारेका थिए । उक्त कार्यक्रममा बिमासम्बन्धी प्रशिक्षण क्षेत्रीय प्रमुख दिगम्बर प्रसादले प्रदान गरेको  नायव प्रमुख कार्यकारी अधिकृत कमल पन्थीले जानकारी दिए ।