नौलो र समय सापेक्ष सेवा सुविधा प्रदान गर्दै आएको सनराइज बैंकले विभिन्न संघ संस्था तथा कार्यालयमा कार्यरत कर्मचारी वर्गलाई लक्षित गरी सनराइज पेरोल लोन (sunrise payroll loan) योजना ल्याएको छ । यस योजनाअन्तर्गत सनराइज बैंकमा सनराइज पेरोल सेभिङ अकाउन्ट भएका कुनै पनि ग्राहकले बिना धितो १५ लाख सम्मको कर्जा लिन सक्नेछन् ।

योजना अनुसार ग्राहकले अधिकतम २४ महिनाको तलब अथवा ५ लाखसम्मको (overdraf) र १० लाखसम्मको  Term loan गरी अधिकतम १५ लाख सम्मको कर्जा लिन सक्ने बैंकले जनाइएको छ । कर्जा लिन ग्राहक कुनै पनि संस्थाको कर्मचारी हुनुपर्ने छ । उक्त कर्जा ५ वर्षसम्मको लागि प्रदान गरिने बैंकले उल्लेख गरेको छ । साथै सनराइज बैंकले आफ्नो १४ औं वार्षिक उत्सव र दसैंको अवसर पारेर मुद्दती खातामा सर्वाधिक १०.०७ प्रतिशत सम्मको ब्याज दिने समेत व्यवस्था गरेको छ ।

बैंकको हाल १३९ वटा शाखा, १२ वटा एक्सटेन्सन काउण्टर, १६० वटा एटीएम र ९१ वटा शाखारहित बैंकिङ सेवामार्फत सेवा प्रदान गर्दै आइरहेको छ ।