कोप-३१ को तयारीबारे सभापति लामिछानेलाई जानकारी
‘मन बार’ हिन्दीकाे कपी भएकाे थापा पाएपछि सुरक्षा पन्तले दिइन् यस्ताे प्रतिक्रिया
वि.सं.२०७८ जेठ ६ बिहीवार २२:२१
26.9K
shares
shares
नायिका सुरक्षा पन्तले आफूले काम गरेको छोटो ‘मन बार’ हिन्दी छोटो चलचित्र ‘नामर्द’को कपी भएको थाहा पाउँदा दु:खी भएको उल्लेख गरेकी छन् । छाेटाे चलचित्र मन बार युट्युबमा एक महिनाअघि प्रसारण भएको थियाे ।
उनले यसबारे पहिले नै जानकारी पाएको भए काम नगर्ने बताएकी छन् । ‘कुनै आइडिया मन परेर काम गरिन्छ अनि यस्तो गलत हर्कतले गर्दा आफ्नो कामप्रति कहिलेकाँही मन खुम्चिन पुग्छ । व्यक्तिगत रुपमा आइडिया हुबहु कपी गर्ने कुराको घोर विरोधी हुँ म । त्यसैले अनविज्ञ भई यस माहोलमा एउटा पात्र हुन पुगेकोमा खेद प्रकट गर्दछु,’ उनले फेसबुकमा लेखेकी छन् ।
उनले साेही छोटो सिनेमाको पार्ट- २ मा आफू काम नगर्ने मनसायमा पुगेको पनि उल्लेख गरेकी छन् । उनले 'कलाकारहरु इमानदार रहन जरुरी' छ भन्दै आफ्नो टिमले गरेको राम्रो वा नराम्रो कामको बारेमा बोल्नुपर्ने बताएकी छन् ।
