nmb bank

गृहपृष्ठ गाडी सुविधा नदिएकोमा उपमेयरले माइन्युट च्यातिन्

गाडी सुविधा नदिएकोमा उपमेयरले माइन्युट च्यातिन्

गाडी सुविधा नदिएकोमा उपमेयरले माइन्युट च्यातिन्

जनकपुर- गाडी सुविधा नदिएको भन्दै धनुषाको गणेशमान चारनाथ नगरपालिकाकी उपमेयर मीनाकुमारी यादवले नगर कार्यपालिका बैठकको माइन्युट च्यातेकी छन् ।
बैठकको प्रस्तावमा गाडी सुविधा दिने विषय उल्लेख नगरेको भन्दै माइन्युट च्यातेकी हुन् । माइन्युट च्यातेपछि नगरकार्यपालिका बैठक स्थगित भएको छ ।
नगरपालिकामा रहेको एउटा गाडी मेयर रामबाबु यादवले चढ्दै आएका छन् । गाडी सुविधा दिन माग गर्दै आएकी तर, आइतबारको बैठकमा प्रस्ताव नै नआएपछि ‘मलाई गाडी दिने विषय किन प्रस्ताववमा नराखेको’ भन्दै माइन्युट च्यातेर फालेकी छन् ।
उनीले गाडी दिने विषयमा छलफल नभएकाले माइन्युट च्यातेको स्वीकार गरिन् । धनुषाका १८ वटा स्थानीय तहमध्ये १७ वटामा उपमेयरलाई भाडामा गाडी दिए पनि आफूलाई भने मेयर र कार्यकारी अधिकृतले गाडी नदिएको उनले आरोप लगाइन् ।
‘कुरा सुन्नुभएन, आफ्नै ढंगले चल्नुभयो, त्यसैले माइन्युट च्यातिदिएँ, यादवले भनिन् ‘अनुगमन गर्न गाह्रो भयो, मलाई गाडी दिनुस् भन्दा छ महिनादेखि टार्दै आए ।’
नगर कार्यपालिकाको बैठकमा आफूले १० बुँदा राखे पनि बैठकको प्रस्तावमा एउटा पनि विषय उल्लेख नभएकोले माइन्युट च्यातेको बताइन् ।

प्रकाशित समय : ०७:४६ बजे

प्रतिक्रिया दिनुहोस्

सम्बन्धित शीर्षकहरु