डिजिटल रूपान्तरणमा नेपाल र इस्टोनियाबीच सहकार्य विस्तार गर्ने विषयमा छलफल
नगर प्रमुखले मनोमानी गरेको भन्दै घोडाघोडी नगरपालिकामा तालाबन्दी
वि.सं.२०७५ साउन १७ बिहीवार २१:२८
35.83K
shares
shares
घोडाघोडी नगरपालिका कैलालीका नगर प्रमुख ममताप्रसाद चौधरीले मनोमानी गरेको भन्दै नगरपालिका कार्यालयमा तालाबन्दी गरिएको छ । नेपाल विद्यार्थी संघ नगर समितिले शिक्षा शाखा र निमित्त प्रमुख प्रशासकीय अधिकृतको कार्यकक्षमा तालाबन्दी गरेको हो ।
नगर प्रमुख चौधरीले छलफल नै नगरी नगर क्षेत्रभित्रका विद्यालयलाई समायोजन गरेकोमा असहमति जनाउँदै नेविसंघले ताला लगाएको हो । नगर क्षेत्रका ५७ विद्यालयमध्ये प्रमुख चौधरीले चार विद्यालय समायोजन गरेको र नौ विद्यालयको तह घटुवा गरेको भन्दै नेविसंघ आन्दोलित भएको हो ।
चौधरीले स्थानीय र सम्बन्धित विद्यालयसँग छलफल नै नगरी मनोमानी निर्णय गरेकाले कार्यालयमा ताला लगाउनुपरेको नेविसंघ नगर सभापति कलकजङ सिंहले जानकारी दिए । ‘छलफलका लागि पटक-पटक अनुरोध गर्दा पनि सुनुवाइ नभएपछि तालाबन्दी गर्न बाध्य भएका हौं,’ उनले भने । नगर प्रमुख चौधरीले भने आफू कार्यालयबाहिर रहेकाले ताला लगाएको विषयमा जानकारी नभएको बताए ।
