नेदरल्याड्समा गर्भवती महिलाहरुमा भियाग्राको चिकित्सकीय परीक्षणलाई ११ नवजात शिशुको मृत्यपछि तुरुन्तै रोक लगाइएको छ ।

शोधमा भाग लिएका महिलाहरुलाई यौनबर्धक दबाइ भियाग्रा दिइएको थियो । गर्भस्थ शिशुको गर्भनाल कमजोर भएका महिलाहरुमा यो सोध गरिएको थियो ।

शरीरमा रक्त प्रवाह बढाउनका लागि दिइने भियाग्राबाट बच्चाको ’लङ्स’मा गम्भीर असर पुर्याएको बताइएको छ । चिकित्सकहरुका अनुसार वास्तवमा के भएको हो, यो बुझ्नका लागि विस्तृत अनुसन्धानको जरुरी छ ।

यसअघि बेलायत, अस्ट्रेलिया र न्युजिल्याण्डमा गरिएको यस्तैखालको शोधमा कुनै तरिकाबाट नोक्सान भएको थिएन । तर, कुनै फाइदा पनि देखिएन । कमजोर गर्भनालका कारण नजन्मिएका बच्चाको विकास रोकिनु एक गम्भीर समस्या हो जसको अहिलेसम्म उपचार पद्धति विकास हुन सकेको छैन । यसका कारण बच्चा समयभन्दा पहिले नै जन्मिन्छ । कमजोर भएका कारण उसको बाँच्ने सम्भावना पनि कम हुन्छ ।

प्रकाशित समय : १३:३४ बजे