काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

इजरायलले सिरियाली लडाकु विमान झारिदियो

19.34K
shares

इजरायलले सिरियाको एउटा लडाकु विमानलाई खसालिदिएको छ । अधिकारीहरुका अनुसार सीमामा प्रवेश गर्न लागेको सिरियाली लडाकु विमानलाई इजरायलले झारिदिएको हो ।

इजरायल र सिरियाबीच सम्बन्ध नराम्रो भए पनि एउटाले अर्काको लडाकु विमान खसाइदिएको घटना विरलै हुने गरेको छ । सिरियाको विमान गोलन हाइट्समाथि उडिरहेका बेला इजरायलले झारिदिएको हो । विमानमा सवार पाइलटको अवस्था अहिलेसम्म अज्ञात नै छ ।

सिरियाली न्युज एजेन्सी सनाका अनुसार इजरायलले सिरियाको विमानलाई सिरियाकै के ही वायु क्षेत्रमा निशाना बनाएको हो । सनाले सैन्य सुत्रको हवाला दिँदै भनेको छ कि उक्त विमान दक्षिणी यारमुक घाटी नजिकै चरपन्थी समूहमाथि आक्रमण गरिरहेको थियो । सिरिया यो क्षेत्रमा रहेका विद्रोहीलाई चरमपन्थी मान्छ । यता, इजरायलको एक न्युज वेबसाइटका अनुसार उत्तरी इजरायलमा रहेका मानिसहरुले देखे कि इन्टरसेप्टर मिसाइल खसालिएको थियो र ठूलो आवाज सुनिएको थियो ।

सिरिया र इजरायलको कब्जामा रहेको सिरियाली गोलन पहाडको बीचमा आगोको मुस्लो र धुवाँ देखिएको समाचार संस्था एएफपीले जनाएको छ ।

इजरायल र सिरियाबीच ४५ वर्षपहिले लडाईं भएको थियो । पछि दुबै देश सीमामा ५० माइल लामो बफर–जोन बनाउन सहमत भएका थिए ।