२७ वरिष्ठ प्रहरी उपरीक्षक (एसएसपी) को सरुवा, (सूचीसहित)
वि.सं.२०७५ साउन ३१ बिहीवार १४:२०
shares

गृह मन्त्रालयले २७ जना वरिष्ठ प्रहरी उपरीक्षक (एसएसपी) को सरुवा गरेको छ । गृह मन्त्रालयले प्रहरी प्रधान कार्यालयमा पठाएका प्रहरी वरिष्ठ उपरीक्षक (एसएसपी) सरुवाको सूचीमा राजधानी काठमाडौं सहित विभिन्न स्थानका एसएसपीहरुको सरुवा गरिएको हो ।
महानगरिय प्रहरी परिसर काठमाडौंको प्रमुखमा एसएसपी वसन्त लामालाई जिम्मेवारी दिइएको छ । गत माघ २८ गते देखि राजधानीको सुरक्षा सम्हाल्दै आएका एसएसपी विश्वराज पोखरेललाई हटाएर गृहमन्त्रालयले एसएसपी लामालाई जिम्मेवारी दिइएको हो ।
६ महिना अघि तात्कालिन डिआइजी नवराज सिलवाल पक्राउको मुद्दा उत्कर्समा पुगेका बेला प्रहरी प्रधान कार्यालयले परिसरका एसएसपी रवीन्द्र धानुकलाई संघीय प्रहरी कार्यालय बाग्लुङमा सरुवा गरि पोखरेललाई ल्याइएको थियो ।
अहिले धानुकलाई बाग्लुङबाट तानेर ललितपुर प्रहरी परिसरको प्रमुख बनाइएको छ । ललितपुर प्रहरीका प्रमुख गणेशबहादुर ऐरको सरुवा गरि धानुकलाई पठाइएको हो ।
काठमाडौंका नवनियुक्त प्रहरी प्रमुख लामा यसअघि ३८ क्वीन्टल सुन तस्करी अनुसन्धान समितिको सदस्य थिए । उनी यस अघि प्रहरी प्रधान कार्यलय जगेडापुलमा थिए । अहिलेका एसएसपी पोख्रेललाई भने नेपाली राजदुतावास नयाँ दिल्लीको कन्सुलरमा सरुवा गरिएको छ ।
एसएसपी अरुण कुमार बिसीलाई अख्तियार दुरुपयोग अनुसन्धान आयोगमा पठाइएको छ । त्यहाँ डिआइजी रविन्द्र शर्माले अवकाश पाएसँगै पद रिक्त थियो ।
कुन कुन एसएसपीकाे सरुवा कहाँ भयो ? यो हेर्नुहोस ।

























