काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

चिया उद्योगमा आगलागीबाट ३० लाखको क्षति

1.2K
shares

झापा। मेचीनगर नगरपालिका–१५ ज्यामिरगढीस्थित नेचर हिमालय टी इन्डस्ट्रिज प्रालिमा आज आगलागी हुँदा ३० लाख बराबरको क्षति भएको छ । उक्त चिया कारखानाको मेसिनबाट दिउँसो १ः५० बजेतिर अचानक आगो निस्किएर आगो फैलिँदा मेसिन र सुकाइरहेको चिया जलेर क्षति भएको जिल्ला प्रहरी कार्यालय झापाका सूचना अधिकारी सुवास बुढाथोकीले जानकारी दिए ।

आगलागीको खबर प्राप्त हुनासाथ नजिकैको ज्यामिरगढी र चारआलीको प्रहरी चौकीबाट प्रहरीको टोली घटनास्थल पुगेको उनले बताए । मेचीनगर र भद्रपुर नगरपालिकाबाट आएको दमकलले स्थानीयवासी र प्रहरीको सहयोगमा आधा घण्टामै आगलागी पूर्ण रुपमा नियन्त्रण गरेर उद्योगमा थप क्षति हुनबाट जोगाएको थियो ।