नेपालका २५ लाख हेक्टर वनमा कार्बन कार्यक्रम विकास गरिने सहमति
एसओएस प्रांगणमै पुगेर मेडिसिटीले मनायो बाल दिवस
वि.सं.२०७५ भदौ २९ शुक्रवार २३:२४
14.85K
shares
shares
वरिष्ठ दन्त चिकित्सक अकिला श्रेष्ठसँगै १० मेडिकल सदस्यको साथमा नेपाल मेडिसिटी अस्पतालले एसओएस बालग्रामसँग सहकार्य गरी बाल दिवस मनाएको छ । एक सय २९ बालबालिकाका साथमा मुख तथा दन्त स्वास्थ्यको विषयमा जनचेतना अभिवृद्धि गर्ने उद्देश्यले कार्यक्रम आयोजना गरिएको हो ।
मुख स्वस्थ राख्न सके शरीरलाई विशेष रुपमा स्वस्थ राख्ने धेरै आधार तयार हुने भएकाले यसै विषयलाई अस्पतालले प्राथमिकता दिएको छ । एसओएस बालग्रामका तर्फबाट नर्स कमला थापा र मेडिसिटीका तर्फबाट श्रद्धा कर्माचार्यको पहलमा सम्पन्न भएको कार्यक्रममा दन्त मञ्जन र दाँत माझ्ने ब्रससमेत प्रदान गरिएको छ ।
प्रत्येक वर्ष भदौ २९ गते मनाइने बाल दिवसको यो वर्षको नारा ‘सुखी नेपाली, समृद्ध नेपाल : बाल अधिकार सबैको सरोकार’ रहेकोमा नेपाल मेडिसिटीले स्वास्थ्यका माध्ययमबाट थोरै भए पनि बालबालिकामा सकारात्मक प्रभाव पार्ने उद्देश्यका साथ सो जनचेतनामूलक कार्यक्रम आयोजना गरिएको अस्पतालका महाप्रबन्धक विजय रिमालले बताए ।
