संविधान कार्यान्वयनमा आएको चौथो वर्ष प्रवेश गरेको उपलक्ष्यमा लोकतन्त्र मेला आयोजना हुने भएको छ । राष्ट्रियसभा, विधायन व्यवस्थापन समितिद्वारा आउँदो असोज ४ गतेदेखि ६ गतेसम्म विश्वसम्पदा सूचीमा सूचिकृत हनुमान ढोका दरबारस्थित नासल चोकमा मेला आयोजना हुनेछ ।

‘समावेशी लोकतन्त्र : समृद्ध नेपाल’ भन्ने मूल नाराका साथ पहिलो पटक हुने त्यो मेलाले बहुदलीय संस्कृतिको विकास र शमावेसी लोकतन्त्रलाई थप प्रवद्र्धन गर्ने विश्वास गरिएको छ ।

मेलामा संघीय संसदमा प्रतिनिधित्व गरेका चारै दलको सहकार्य छ । मेलामा डेनमार्क, बेलायत, केन्या, भारत, पाकिस्तानलगायतका देशका सांसदले भाग लिने बताइएको छ ।

मेलाबारेमा जानकारी दिन आयोजित पत्रकार सम्मेलनमा विधायन व्यवस्थापन समितिका सभापति परशुराम मेघी गुरुङले मेलामा राजनीतिक दलहरुका प्रदर्शनी, संविधान विशेष कक्ष, विविध संस्कृतिका कला तथा खाद्य प्रदर्शनीसमेत रहने जानकारी दिए । प्रतिनिधि सभाका सभामुख कृष्णबहादुर महरा र राष्ट्रिय सभाका अध्यक्ष गणेशप्रसाद तिमल्सिनाले संयुक्तरुपमा मेलाको उद्घाटन गर्ने कार्यक्रम तय भएको छ ।

प्रकाशित समय : ००:०० बजे