काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

अशोक लेलैण्डको १३औं शाखा पोखरामा

13.92K
shares

आइएमई मोटर्सले अशोक लेलैण्डको १३औं शाखा पोखरामा स्थापना गरेको छ । पोखरा क्षेत्रको मागलाई मध्यनजर गर्दै शाखा स्थापना गरिएको कम्पनीका प्रबन्ध निर्देशक हेमराज ढकालले बताए । आइएमई ग्रुपअन्तर्गतको आइएमई मोटर्स भारतको चर्चित ब्रान्ड अशोक लेलैण्डको नेपालका लागि आधिकारिक विक्रेता हो ।

पोखराको चाउथे स्वागतनगरमा करिब १० रोपनीमा स्थापना गरिएको शाखामा सेल्स, सर्भिस र स्पेयर्स व्यवस्था छ । शाखा स्थापनामा करिब ४ करोड खर्च भएको प्रबन्ध निर्देशक ढकालले जानकारी दिए ।

काठमाडौं, इटहरी, नारायणगढलगायतका स्थानमा अशोक लेलैण्डका शाखा स्थापना भइसकेका छन् । चाँडै बर्दिबासमा शाखा स्थापनाको तयारी भएको आइएमई मोटर्सले जनाएको छ ।

तीन वर्षदेखि अशोक लेलैण्डका गाडी बिक्री गर्दै आएको आइएमई मोटर्सले हालसम्म करिब ३ हजार गाडी बिक्री गरिसकेको छ । अबको दुई वर्षभित्रमा १० हजारभन्दा बढी गाडी बिक्री गर्ने लक्ष्य रहेको प्रबन्ध निर्देशक ढकालले जानकारी दिए ।

कार्यक्रममा पोखरा उद्योग वाणिज्य संघका अध्यक्ष दामु अधिकारीले अशोक लेलैण्डको सेल्स, सर्भिस र स्पेयर्सको व्यवस्था एकै छानामुनिबाट भएकोमा पोखराका व्यवसायीलाई धेरै फाइदा पुग्ने बताए । त्यस्तै, अशोक लेलैण्डका अन्तर्राष्ट्रिय उपाध्यक्ष रविकुमार पंगाले सन् १९९२ देखि युवा व्यवसायीले भारतबाट सुरु गरेको व्यवसाय आइएमई मोटर्समार्फत नेपालभर फैलिनु खुसीको कुरा भएको बताए । अशोक लेलैण्ड भारतको दोस्रो ठूलो बस र ट्रक निर्माता कम्पनी हो ।