काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

नेकपाको स्थायी कमिटी बैठक सुरु

17.24K
shares

नेपाल कम्युनिस्ट पार्टी (नेकपा)को स्थायी कमिटि बैठक सुरु भएको छ । धुम्बाराहीस्थित पार्टी केन्द्रीय कार्यालयमा बैठक सुरु भएको हो ।

बैठकले प्रदेश समितिका सदस्यको नाम अनुमोदनदेखि सरकारका कामबारे समीक्षा गर्ने नेता कृष्णगोपाल श्रेष्ठले जानकारी दिए । बैठकले जनवर्गीय र जिल्ला कमिटीको एकतालाई निष्कर्षमा पु¥याउने उनले बताए ।

माधवकुमार नेपाललगायतका केही नेताले प्रदेशका इन्चार्ज, सहइन्चार्ज, अध्यक्ष र सचिव मनोनयन सर्वसम्मत नभएको भन्दै असन्तुष्टि व्यक्त गरेका छन् । यसबारे बैठकमा छलफल हुने बताइएको छ ।
अध्यक्षहरू र महासचिव समयमै उपस्थित नभएको भन्दै नेताहरू नेपाल, झलनाथ खनाल, नारायणकाजी श्रेष्ठ र वामदेव गौतम बालुवाटारबाट बाहिरिएपछि मंसिर २२ गते बसेको सचिवालय बैठकले २९ गते स्थायी कमिटी बैठक बोलाउने निर्णय गरेको थियो । नेकपाको स्थायी कमिटी ४५ सदस्यीय छ ।

गत जेठ ३ गते पार्टी एकता भए पनि नेकपाले सचिवालय, स्थायी समिति र केन्द्रीय समिति, प्रदेश इन्चार्ज, सहइन्चार्ज, अध्यक्ष, सचिव र प्रदेश सदस्यबाहेक अन्य संरचना तयार गर्न सकेको छैन । यसअघि असारमा एकतापछि पहिलो स्थायी कमिटी बैठक बसेको थियो । सांगठनिक संरचना निर्माण हुन नसक्दा पार्टीका सम्पूर्ण गतिविधि ठप्पप्रायः भएको भन्दै नेतृत्वको आलोचना हुन थालेपछि स्थायी कमिटी बैठक बस्न लागेको हो । प्रधानमन्त्रीको सरकारी निवासमा पार्टी बैठक बस्दै आएको भन्दै आलोचना भएपछि यसपटक स्थायी कमिटी बैठक धुम्बाराहीमा बोलाइएको नेता श्रेष्ठले बताए ।

स्थायी कमिटी बैठक नबस्दा पार्टी एकीकरणदेखि नेताहरुको जिम्मेवारीसम्मका विषय अल्झिएका छन् । बैठकमा सचिवालय बैठक प्रदेश कमिटीलाई पूर्णता दिए पनि जनवर्गीय सङ्गठन र जिल्ला कमिटी एकीकरण हुन बाँकी नै छ ।

कतिपय नेता सरकारको कार्यशैलीलाई लिएर पनि असन्तुष्ट छन् । राजधानीमा युनिफिकेसन चर्चद्वारा आयोति एसिया प्यासिफिक सम्मेलनमा सरकार र नेकपाका नेताहरुको सहभागितालाई लिएर केही नेता रुष्ट छन् । उनीहरुले यो मुद्दालाई पनि छलफलको विषय बनाउनुपर्ने माग गरेका छन् ।