प्रधानन्यायाधीशमा सिफारिस भएका चोलेन्द्रको सुनुवाइ सुरू
वि.सं.२०७५ पुस १ आइतवार १९:४९
shares

संसदीय सुनुवाइ विशेष समितिले सर्वोच्च अदालतको प्रधानन्यायाधीशमा संवैधानिक परिषद्ले सिफारिस गरेको चोलेन्द्र समशेर जबराको संसदीय सुनुवाइ सुरू गरेको छ । आइतबार बसेको समितिको बैठकले जबराविरूछ उजुरी दिन सोमबारबाट अह्वान गर्ने निर्णय गरेको हो ।
संवैधानिक परिषद्ले जबरालाई सर्वोच्चको प्रधानन्यायाधीशमा सिफारिस गर्ने निर्णय गरेको थियो । सोही निर्णय बमोजिम समितिले जबराको संसदीय सुनुवाइको प्रकृया सुरू गरेको हो । समितिले सोमबारदेखि १० दिनसम्म जबराविरुद्ध उजुरी आह्वान गर्ने निर्णय गरेको सभापति लक्षमणलाल कर्णले जानकारी दिए ।
जबराविरुद्ध उजुरी दिने म्याद सकिएपछि परेका उजुरीका सम्बन्धमा उजुरीकर्तासँग छलफल गरिनेछ । त्यसपछि संसदीय समितले उनको सुनुवाइ गर्नेछ । त्यसरी सुनुवाइपश्चात समितिले सिफारिस गरेमा उनी सर्वोच्च अदालतको प्रधानन्यायाधीश बन्ने बाटो खुल्नेछ ।

























