अनलाइनबाट सामान किन्दा जनता बैंकबाट तुरुन्तै भुक्तानी
वि.सं.२०७५ पुस ३ मंगलवार २१:११
shares

जनता बैंक नेपालले अनलाइनबाट कुनै पनि वस्तु तथा सेवा खरिद गर्दा कार्डमार्फत तुरुन्त भुक्तानी गर्न सकिने सेवाको सुरुवात गरेको छ । यससँगै जनता बैंकका कार्ड होल्डरले नेपाल र भारतका विभिन्न अनलाइन स्टोरबाट सामान खरिद गर्दा बैंकको कार्ड नम्बर उल्लेख गरेर तुरुन्त भुक्तानी गर्न सक्नेछन् ।
यो सेवा लिने ग्राहक प्रत्येक कारोबार गर्दा आफ्नो इमेल र मोबाइलमा छुट्टै पिन नम्बर प्राप्त गर्नेछन् । जसले गर्दा कार्ड कारोबारलाई सुरक्षित हुनेछ । यो सेवा लिन ग्राहकसँग बैंकको डेविट वा क्रेडिट कार्ड भएको हुनुपर्नेछ । यो सेवा प्रयोग गरेबापत कुनै थप शुल्क तिर्नु नपर्ने जनता बैंकले जनाएको छ ।
साथै, बैंकले विदेशस्थित विश्व विद्यालय/कलेजसँग सम्बन्धित विभिन्न शुल्कहरु सम्बन्धित विश्वविद्यालय/कलेजको खातामा सोझै जम्मा गर्न सकिने सेवाको समेत सुरुवात गरेको छ ।

























