काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

दोस्रो मेयर कप फुटबल प्रतियोगिताको उपाधि छायाँनाथ रारा–४ ‘यल्लो’लाई

357
shares

मुगु । मुगुको छायाँनाथ रारा नगरपालिकाको आयोजनामा सञ्चालित ‘दोस्रो मेयर कप फुटबल प्रतियोगिता–२०८३’ सोमबार सम्पन्न भएको छ । गत बुधबारदेखि सुरु भएको प्रतियोगिताको उपाधि छायाँनाथ रारा नगरपालिका वडा नं. ४ को ‘यल्लो’ टोलीले जितेको छ ।

प्रतियोगितामा वडा नं. १ को ‘कर्णाली युनाइटेड एफसी’ दोस्रो भएको छ भने वडा नं. ४ कै ‘ब्लु’ टोलीले तेस्रो स्थान हासिल गरेको छ ।

‘युवामा क्षमता, खेलकुदमा एकता’ भन्ने मूल नाराका साथ नकआउट पद्धतिमा सञ्चालन गरिएको प्रतियोगितामा नगरपालिकाका १४ वटै वडाबाट ४२ टोलीको सहभागिता रहेको थियो ।

प्रतियोगितामा प्रथम हुने टोलीले नगद ३ लाख ३३ हजार ३३३ रुपैयाँसहित ट्रफी, मेडल र प्रमाणपत्र प्राप्त गरेको छ ।

त्यस्तै, द्वितीय हुने टोलीले २ लाख २२ हजार २२२ रुपैयाँ र तृतीय हुने टोलीले १ लाख ११ हजार १११ रुपैयाँसहित ट्रफी, मेडल तथा प्रमाणपत्र प्राप्त गरेका नगरप्रमुख बिष्णु कुमार भामले बताए ।

युवालाई खेलकुदप्रति आकर्षित गर्ने, स्थानीयस्तरमा फुटबल खेलको विकास गर्ने तथा खेलाडीको क्षमता अभिवृद्धि गर्ने उद्देश्यले प्रतियोगिता आयोजना गरिएको नगरपालिकाले जनाएको छ ।

प्रतियोगिताको समापन समारोहमा बोल्ने वक्ताहरूले खेलकुदलाई मनोरञ्जनमा मात्र सीमित नराखी युवाको प्रतिभा विकास, स्वस्थ जीवनशैली, अनुशासन र सामाजिक एकता कायम गर्ने महत्त्वपूर्ण माध्यमका रूपमा अघि बढाउनुपर्नेमा जोड दिएका थिए ।

स्थानीयस्तरमा आयोजना हुने यस्ता प्रतियोगिताले गाउँगाउँमा लुकेर रहेका खेलप्रतिको प्रतिभाको पहिचान, विकास र प्रोत्साहनमा महत्त्वपूर्ण योगदान पुर्‍याउने विश्वाससमेत व्यक्त गरिएको छ । नगरपालिकाले मेयर कप मात्र नगरी खेलमैदानको व्यवस्था तथा नियमित खेललाई अगाडि बढाउनका लागि खेल प्रशिक्षकको व्यवस्था गरिदिएको भए नियमित रूपमा खेल क्षेत्रमा अगाडि बढ्न सहज हुने थियो ।

‘

अघिपछिको समयमा खेत, बारीमा खेल खेल्नुपरेको छ । कुनै निकायले आयोजना गरेपछि मात्र पालिकाभरिको एक मात्र फिल्ड भएको महाकाली उच्च माध्यमिक विद्यालयको खेल मैदानमा खेल्नुपरेको छ । जुनसुकै खेलका खेलाडी उत्पादन गर्ने लक्ष्य भए नगरपालिकाले पहिलो प्राथमिकतामा खेलमैदान निर्माण गरिदिएको भए निकै राम्रो हुने थियो,’ फुटबल खेलाडी सुदिप भामले बताए ।