काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

‘नस्लवादी’को आरोप लागेपछि घानाको विश्वविद्यालयले महात्मा गान्धीको सालिक हटायो

20.5K
shares

भारतमा अत्यन्तै श्रद्धाका साथ हेरिने महात्मा गान्धीमाथि ‘नस्लवादी’को आरोप लागेपछि घानाको एक विश्वविद्यालय उनको सालिक हटाउन बाध्य भएको छ । भारतमा राष्ट्रपिताका रूपमा आदर गरिने महात्मा गान्धीलाई नस्लवादीको आरोप लगाउँदै विश्वविद्यालय परिसरबाट उनको सालिक हटाउन लामो समयदेखि माग हुँदै आएको थियो ।

अफ्रिकी मुलुक घानाको राजधानी आक्रास्थित घाना विश्वविद्यालयमा दुई वर्ष पहिले गान्धीको सालिक स्थापना गरिएको थियो । तर, स्थापनाकालदेखि नै यसको विरोध हुन थाल्यो ।

सालिक स्थापनासँगै त्यसलाई हटाउन माग गर्दै प्रदर्शन पनि सुरू भयो । छात्र-छात्रा तथा फ्याकल्टीले विश्वविद्यालयमा गान्धीको सालिक स्थापना गरिएकोमा विरोध जनाए ।

पछिल्ला दुई वर्षदेखि गान्धीको प्रतिमा हटाउन माग राख्दै लगातार प्रदर्शन भइरहेका थिए । प्रदर्शनकारीले गान्धीलाई नस्लवादीको आरोप लगाउँदै क्याम्पसमा उनको लागि कुनै स्थान हुन नहुने माग राख्दै आएका थिए । परिणामस्वरूप गत डिसेम्बर ११ को राति क्याम्पसबाट उनको प्रतिमा हटाइएको द गार्जियनले उल्लेख गरेको छ ।

gandi_ghana
घाना विश्वविद्यालयमा दुर्इ वर्ष पहिले स्थापना गरिएको गान्धीको सालिक । तस्बिर : द वायर

पछिल्ला वर्षहरूमा केहीले गान्धीलाई अफ्रिकी देशका समुदायमाथि अपमानजनक विचार राख्ने गरेको आरोप लगाएका उक्त रिपोर्टमा उल्लेख छ । गान्धीले अफ्रिकी समुदायको तुलनामा भारतीय सभ्य हुने आसय व्यक्त गरेको आरोप लगाइएको छ ।

घाना विश्वविद्यालयमा स्थापना गरिएको गान्धीको सालिक भारतले नै दिएको थियो । र, सन् २०१६ जुन १६ मा भारतीय राष्ट्रपति प्रणव मुखर्जीले यसको अनावरण गरेका थिए ।

क्याम्पसबाट गान्धीको सालिक हटाइएपछि विद्यार्थीहरूले खुसी व्यक्त गरेको भारतीय अनलाइन ‘द वायर’ले समाचार लेखेको छ । द वायरले एक छात्रालाई एक छात्रालाई उदृत गर्दै लेखेको छ, ‘घानाका निवासिका लागि यो ठूलो जीत हो, यो सालिक हामीलाई लगातार हामी कती निम्न स्तरका छौं भनी झस्काइरहन्थ्यो ।’

त्यस्तै द गार्जियनसँग कुरा गर्दै भाषा, साहित्य तथा नाटक विभाग प्रमुख ओबाडेले कम्बोनले सालिक हटाउने विषय अत्मसम्मान सँग जोडिएको विषय भएको बताएका थिए । प्रतिमा हटाउने विषय आत्मसम्मानको जीत भएको उल्लेख गर्दै उनले द गार्जियनसँग भनेका छन्, ‘यदी हामी आफ्ना नायकप्रति आदर भाव राख्दैनौं भने विश्व कसरी हाम्रो आदर गर्छ ? यो अस्वेत गौरव तथा अत्मसम्मानको जीत हो ।’