काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

नेप्से ३२ अंकले बढ्यो, ८७ करोडको कारोबार

12.71K
shares

सेयर बजार परिसूचक नेप्से आइतबार ३२ अंकले बढेको छ । नेप्सेमा सूचीकृत उत्पादनमूलकबाहेकका सबै समूह उकालो लागेपछि समग्र बजार परिसूचक ३२.२४ अंकले बढेर ११९८.१८ अंकमा पुगेको छ ।

निर्जीवन बिमा समूह सबैभन्दा धेरै ५.९७ प्रतिशतले बढेको छ । लघुवित्त ४.८२, जीवन बिमा ४.५७, होटल ३.७४, बैंक २.४३, अन्य २.३८, जलविद्युत २.१८, विकास बैंक १.९५ र वित्त समूह ०.८३ प्रतिशतले उकालो लागेका छन् ।

नेप्सेसँगै कारोबार रकममा पनि उल्लेख्य सुधार आएको छ । आइतबार १६४ कम्पनीको ८७ करोड ५५ लाखबराबरको २८ लाख १२ हजार २१२ कित्ता सेयर खरिद–बिक्री भएको छ । यो रकम गत साताको अन्तिम कारोबार हुने दिन बिहीबारको भन्दा दोब्बर बढी हो । बिहीबार ४० करोड ११ लाखको सेयर किनबेच भएको थियो ।

आइतबार आइएमई जनरल इन्स्योरेन्स, लुम्बिनी जनरल इन्स्योरेन्स र कालिका लघुवित्तको सेयर १० प्रतिशत बढेको छ । त्यस्तै, गुराँस लाइफ इन्स्योरेन्स, वोमी माइक्रोफाइनान्स, एनएमबी माइक्रोफाइनान्स, सिभिल लघुवित्त, लक्ष्मी लघुवित्त, महिला सहयात्रा माइक्रोफाइनान्स, ग्लोबल आइएमई लघुवित्तलगायत कम्पनीको सेयर ९ प्रतिशतभन्दा धेरैले उकालो लाग्यो ।

मुद्रा तथा पुँजी बजार अध्ययनका लागि अर्थ मन्त्रालयले गठन गरेको कार्यदलले अर्थमन्त्रीलाई प्रतिवेदन बुझाएसँगै वाणिज्य बैंकहरुले ब्याजदर घटाउन गरेको भद्र सहमति कार्यान्वयनमा ल्याउन थालेपछि लगानीकर्तामा उत्साह छाएको हो । वाणिज्य बैंकहरुसँग विकास बैंक र वित्त कम्पनीहरुले पनि ब्याजदर घटाएका छन् । ब्याजदर र सेयर बजारबीच उल्टो सम्बन्ध हुने भएकाले बजारले सकारात्मक गति लिन सक्ने सेयर विश्लेषकहरु बताउँछन् ।