हेटौँडाको पदमपोखरीमा साझा बस सञ्चालनमा
वि.सं.२०७५ पुस १४ शनिवार १३:२८
shares

हेटौँडाको पदमपोखरीमा साझा बस सञ्चालनमा आएको छ ।
हेटौँडा उपमहानगरपालिकाको समन्वयमा पदमपोखरीमा तीन साझा बस सञ्चालनमा ल्याइएको हो । हेटौँडा १२, १३ र १४ का बासिन्दाका लागि सहज होस् भन्ने उद्देश्यले आफ्नो पहलमा बस सञ्चालनमा ल्याइएको हेटौँडा उपमहानगरपालिकाका नगर प्रमुख हरिबहादुर महतले बताए ।
हेटौँडामा अब १७ साझा बस सञ्चालनमा आएको छ । हेटौँडाको हटियो, हर्नामाडी, बजार क्षेत्र, कमाने, चुरीयामाई र मकवानपुरको मनहरी गाउँपालिकासम्म साझा बस सञ्चालनमा आउने मकवानपुर साझा बसका सञ्चालक भेष खड्गीले जानकारी दिए ।(रासस)

























