सरकारले दोस्रो चरणका लागि आवश्यक पर्ने कोरोनाविरूद्धको खोप खरिद गर्न प्रक्रिया अगाडि बढाएको छ । दोस्रो चरणमा १७ प्रतिशत अर्थात् ५१ लाख नागरिकलाई खोप उपलब्ध गराउने सरकारको तयारी छ ।

यसका लागि भारतस्थित नेपाली राजदूतावासमार्फत त्यहाँको परराष्ट्र मन्त्रालय र नीति आयोगसँग परामर्श भइरहेको जनाइएको छ । भारतले प्रतिमात्रा खोप भारतीय तीनसय रूपैयाँसम्ममा उपलब्ध गराउनसक्ने अनुमानित मूल्य प्रस्तुत गरेको बताइएको छ । भारतले नेपाललाई १० लाख डोज ‘कोभिशिल्ड’ खोप अनुदानमा दिएको थियो । सो खोप बुधबारदेखि लगाउन सुरू भइसकेको छ ।

दोस्रो चरणका लागि आवश्यक खोप खरिद गर्न बजेट व्यवस्था भइसकेको प्रधानमन्त्री केपी शर्मा ओलीले बताएका छन् । बुधबार खोप अभियानलाई सम्बोधन गर्दै प्रधानमन्त्री ओलीले अबको तीन महिनाभित्र सबै नेपालीलाई कोरोनाविरूद्धको खोप उपलब्ध गराउने बताएका थिए ।

प्रकाशित समय : १७:०१ बजे