पत्रकारको हत्यामासमेत रामरहिमको संलग्नता
वि.सं.२०७५ पुस २८ शनिवार १६:११
shares

आफ्नै शिष्यलाई बलात्कार गरेको अभियोगमा जेल सजाय काटिरहेका भारतीय तथाकथित धर्मगुरु गुरमित रामरहिम सिंह पत्रकार हत्यामा समेत दोषी ठहर भएका छन् ।
यौनहिंसाका बारेमा समाचार लेखिदिएकोले रामरहिम पत्रकारको हत्या गरेको अदालतले शुक्रबार ठहर गरेको हो । सन् २००२ मा स्थानीय पत्रिकामा कार्यरत रामचन्दर छत्रपाटीको हत्या अभियोगमा अदालतले रामरहिमसहित अन्य तीन जनालाई समेत दोषी ठहर गरेको छ ।
संसारभर लाखौं समर्थक बटुलेका रामरहिम बलात्कारको अभियोगमा २० वर्षे जेल सजाय काटिरहेका छन् । उनलाई जेलबाट बाहिर निकाल्दा सुरक्षा चुनौती थपिने भन्दै प्रहरीले भिडियो कल मार्फत् अदालतमा पेश गरेको थियो ।
सिंहलाई आजीवन काराबासम्मको सजाय हुन सक्ने बताइएको छ ।

























