सेयर बजार सामान्य बढ्यो
वि.सं.२०७५ माघ १ मंगलवार ०३:१५
shares

सेयर बजार परिसूचक नेप्से सोमबार सामान्य बढेको छ । बैंकबाहेकका सबै समूह उकालो लागेपछि समग्र बजार परिसूचक २.९७ अंकले बढेर ११७८.०३ अंकमा पुगेको छ । बैंक समूह भने ०.११ प्रतिशतले घट्यो ।
नेप्से परिसूचक बढे पनि कारोबार रकम भने घटेको छ । सोमबार १५८ कम्पनीको २६ करोड ३३ लाख बराबरको ७ लाख ९१ हजार ३४६ कित्ता सेयर किनबेच भयो । यो आइतबारको तुलनामा करिब ११ करोड कम हो । आइतबार ३७ करोड २९ लाखको सेयर किनबेच भएको थियो ।

























