काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

सचिव कुट्ने मन्त्रीलाई कार्बाही माग गर्दै कर्मचारीहरु आन्दोलित

11.03K
shares

प्रदेश-२ का कर्मचारीहरु सचिव कुटने मन्त्रीलाई कार्बाहीको माग गर्दै आन्दोलित भएका छन् । कर्मचारीको आन्दोलनका कारण प्रदेशका सरकारी कार्यालयमा शुक्रबार विहान १० बजेदेखि दिउँसो १ बजेसम्म तीनघण्टा कामकाज प्रभावित भएको छ ।

आर्थिक मामिला तथा योजनामन्त्री विजय यादवले प्रदेश सभामुखकै अगाडि आफ्नै कार्यकक्षमा बोलाएर कुटपिट गरेको वन तथा वातावरण मन्त्रालयका सचिव विद्यानन्द झाको आरोप छ ।

आफूले सिफारिश गरेको एनजिओलाई कार्यक्रम दिन नाम सिफारिश नगरेको भन्दै आफूमाथि मन्त्री यादवले हातपात गरेको सचिवको दावि रहेको छ । सचिवमाथि कुटपिट गरेको भन्दै असुरक्षाको महसुस गर्दै कर्मचारीहरुले सोमबार प्रदेशका मुख्यमन्त्री र धनुषाका सिडियोमार्फत संघीय सरकारलाई समेत घटनाबारे जानकारी गराउँदै २४ घण्टे अल्टिमेटम दिँदै निजामती कर्मचारीहरुको अधिकारिक ट्रेड युनियन धनुषा आन्दोलनमा उत्रेको छ ।

प्रदेश सरकार सचिवालय भित्रका सरकारी कार्यालय, जिल्ला प्रशासन कार्यालय, यातायात व्यवस्था कार्यालय जनकपुर, मालपोत कार्यालय, नापी कार्यालय लगायतका कार्यालयका कर्मचारीहरु शुक्रबार हातमा कालोपट्टी बाँधेर तीनघण्टा पेन डाउन गरेका थिए । कर्मचारीहरुको आन्दोलनको कारण सरकारी कार्यालयहरुमा गएका सेवाग्राही समस्यामा परेको छन् ।

कर्मचारीहरुले सांकेतिक रुपमा गर्दै आन्दोलनको अव दोश्रो चरणका विभिन्न आन्दोलनको कार्यक्रम सार्वजानिक गर्ने बताएका छन् ।