काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

मेलम्ची खानेपानी आयोजनाको ठेकेदार कम्पनी सीएमसीको ठेक्का रद्द

31.5K
shares

मेलम्ची खानेपानी आयोजना निर्माणको ठेकेदार कम्पनी सीएमसीसँग सरकारले ठेक्का रद्द गरेको छ । ठेक्का रद्द भएसँगै इटालियन कम्पनीको धरौटीसमेत जफत गरिने भएको छ ।

कम्पनीले माग गरेको ३६ करोड रुपैयाँ क्षतिपूर्ति सरकारले नतिरेपछि आर्थिक संकटको बहानामा सीएमसीले पुस २ गते सरकारलाई बाँकी काम गर्न नसक्ने भन्दै पत्र पठाएको थियो । पुसदेखि नै आयोजनाको निर्माणको काम ठप्प छ । काम बन्द गर्दै सीएमसीका प्रतिनिधी इटाली जान लागेपछि खानेपानी मन्त्रालयले उनिहरुलाई रोकेको थियो । त्यसका बाबजुद नयाँ वर्ष मनाएर आउने शर्तमा मन्त्रालयले सीएमसीका प्रतिनिधिलाई इटाली जान दिएको थियो ।

काममा फर्किने सूचना नआएपछि कम्पनीलाई कारबाही गर्नेबारे अन्योल थियो । मेलम्ची आयोजनाका पदाधिकारीसँगको छलफलपछि मन्त्रालयले सीएमसीलाई हटाउने निर्णय गरेको बताइएको छ । मन्त्रालय र आयोजनाले ठेकेदार कम्पनीसँगको सम्झौता रद्द गरेको जानकारी दिइसकेको मन्त्रालय स्रोतको भनाइ छ ।

सीएमसीसँग ठेक्का तोडिएपछि अब अर्को निर्माण कम्पनीलाई टेन्डर दिइने मन्त्रालयले जनाएको छ । योजना निर्माणको ९० प्रतिशत काम सम्पन्न भइसकेका बेलामा कम्पनीले क्षतिपूर्तिको बखेडा झिकेको थियो ।