वरिष्ठ रंग पत्रकार तथा गीतकार शान्तिप्रियको अधर एल्वममा समाविष्ट गीत ‘याद तिम्रो धेरै आइरह्यो…’ को म्यूजिक भिडियो सार्बजनिक भएको छ । एल्वमको पाँचौं यो गीतको भिडियोसँगै अधर एल्वममा समावेश गरिएका सम्पूर्ण गीतको म्यूजिक भिडियो रिलिज भएका छन् । अधर एल्वमका यसअघि नै चार वटा गीतको भिडियो सार्वजनिक भैसकेका छन् । शान्तिप्रिय पछिल्लो समय चलचित्र गीति लेखनमा सक्रिय छन् ।
याद तिम्रो धेरै आइरह्यो गीतको म्यूजिक भिडियो निर्देशन कलाकार निर्मल शर्माले गरेका छन् । गीतको छायांकन वरिष्ठ छायांकार राजु केसी र गीतको सम्पादन विरेन्द्र भाट ‘विपिन’ले गरेका हुन् । गीतलाई संगीतकार अर्जुन पोखरेलले संगीत गरेका हुन् भने युवराज चौलागाईले गाएका हुन् ।
गीतमा अभिनेता श्रीदेव भट्टराई र अभिनेत्री अनामिका चौलागाई एवं राम ढकालको अभिनय हेर्न पाइन्छ । म्युजिक भिडियोलाई छायाँछवि क्रिएशनले निर्माण गरेको छ ।

प्रकाशित समय : २३:५३ बजे