इंग्लिस क्लब लिभरपुलका फरवार्ड मोहम्मद सलाह इंग्लिस प्रिमियर लिगमा न्युक्यासलविरुद्धको खेलमा चोटग्रस्त भएका छन् ।

हेडिङ गर्ने प्रयास गर्दा सलाह न्युक्यासलका गोलरक्षक मार्टिन डुब्राभ्कासँग ठोकिन पुगेका थिए । उनले टाउकोमा चोट बोकेका छन् । सलाहले च्याम्पियन्स लिग अन्तरगतको बार्सिलोनाविरुद्धको सेमिफाइनलको दोस्रो लेग गुमाउने सम्भावना बढेको छ ।

लिभरपुलले प्रिमियर लिग अन्तरगत न्युक्यासलमाथि ३–२ को कठिन जित निकालेको खेलको खेलको ६८औं मिनेटमा उनी न्युक्यासलका गोलरक्षक मार्टिन डुब्राभ्कासँग ठोकिएका थिए । लगत्तै उनी भुइँमा बजारिएका थिए ।

च्याम्पियन्स लिगको दोस्रो लेग मंगलबार राति लिभरपुलको घरेलु मैदान एनफिल्डमा हुदैँछ । लिभरपुल पहिलो लेगमा बार्सिलोनासँग ३–० ले पछि परेको छ । प्रिमियर लिगको उपाधि होडमा रहेको लिभरपुलले मे १२ मा लिगको अन्तिम खेलमा वल्भ्ससँग खेल्दैछ ।

प्रकाशित समय : १९:२९ बजे