काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

ककपिटमा युवती, पाइलटलाई प्रतिबन्ध

11.11K
shares

एक चिनियाँ विमानको ककपिटमा लिइएको एक युवतीको तस्बिर भाइरल भएपछि पाइलटलाई प्रतिबन्ध लगाइएको छ । सञ्चार माध्यमका अनुसार यो तस्बिर जनवरीमा ग्वायलिनबाट याङझु उड्दै गरेको एयर ग्वायलिनको एक विमानमा खिचिएको थियो । यसै साता तस्बिर भाइरल भएपछि पाइलटलाई कारबाही गरिएको हो ।

तस्बिरमा ककपिटमा बसेकी युवतीसँगै खाजा पनि राखिएको छ । एयर ग्वायलिनका अनुसार पाइलटले हवाई सुरक्षा नियम उल्लंघन गरेका थिए । उक्त तस्बिरको स्क्रिनसट माइक्रो-ब्लगिङ साइट भिबोमा व्यापक सेयर गरिएपछि यो घटनाबारे एयरलाइनले आइतबार मात्र चाल पायो ।

तस्बिरमा महिलाले चिनको लोकप्रिय पोज आफ्ना औंलाले ‘भी’ आकार बनाएकी छन् । बिबिसीका अनुसार तस्बिरसँगै युवतीले क्याप्टेनसँग खुसी भएको भन्दै उनीप्रति धन्यवाद व्यक्त गरेकी छन् । समाचार बेवसाइट चिनियाँ न्युज सर्भिसका अनुसार ती महिलाले ग्वायलिन विश्वविद्यालयमा एयर होस्टेसको तालिम लिँदै थिइन् ।

एयरलाइनले उक्त तस्बिर उडानका क्रममै लिएको किटान नगरे पनि चिनियाँ पाइलट र विश्लेषकहरूले तस्बिर उडानकै क्रममा खिचिएको बताएका छन् । नाम उल्लेख नगरे पनि पाइलटलाई आजीवन उडानमा प्रतिबन्धत लगाइएको छ । एयरलाइनले पाइलटलाई सबै पदबाट हटाएको भने पुष्टि भइसकेको छैन । एयर ग्वायलिनले पाइलटले ककपिटमा बाह्य व्यक्तिलाई आउने अनुमति दिएर नियम उल्लंघन गरेको उल्लेख गरेको छ ।