सोमबार राष्ट्रिय प्रजातन्त्र पार्टी (राप्रपा)को पार्टी केन्द्रिय कार्यालय भत्काउन काठमाडौँ महानगरपालिकाको टोली डोजर र दलबलसहित धुम्बाराही पुगेको थियो ।

महानगरले डोजर चलाउने सूचना पाएपछि राप्रपाका कार्यकर्ताहरुले पार्टी कार्यालय घेरेर बसेका थिए । डोजर आउनुअघि नै उनीहरु पनि प्रतिकारको तयारीमा कार्यालय अगाडी घेरेर बसेका थिए । तर, दुवै निर्णयबाट पछि हटेपछि त्यस्तो केही भएन ।

राप्रपा कार्यकर्ताले पार्टी कार्यलय घेरेर बसेको सुचना पाएको महानगरले डोजरसहित ३ सय जना नगर प्रहरी लिएर पुगेको थियो । पार्टी कार्यालयभन्दा ३ मिटर नजिकै बसेको महानगरले काठमाडौं जिल्ला प्रशासनको सूचना पाएपछि फर्कियो ।

राप्रपाले काठमाडौं जिल्ला प्रशासन कार्यालयमार्फत २१ दिनभित्र पार्टी कार्यालय खाली गर्ने समय मागेको थियो । त्यसपछि महानगरले प्रहरी र डोजर दुवै फकायो ।

महानगरले गत शुक्रबार तीन दिनको अल्टिमेट दिएर कार्यालय खाली गर्न सूचना जारी गरेपनि राप्रपाले महानगरको सूचनाको वेवास्ता गरेको महानगरको बुझाइ छ ।

महानगरले डोजर चलाउने सूचना पाएपछि राप्रपाका कार्यकर्ताहरुले पार्टी कार्यालय घेरेका मात्र थिएन । मेयरको विरुद्ध सञ्चारमाध्यम विरोध पनि गरेका थिए ।

राप्रपाको हाइटेन्स लाइनमा संरचना निर्माण भएका छन् । हाइटेन्स लाइनको तल निर्माण भएका संरचानाहरु सुरक्षाको हिसाबले अतिजोखिमपूर्ण मानिन्छ ।

यस्तै, महानगरले सो स्थानबाट पार्टी कार्यालय हटाउन अल्टिमेटम दिएको छ । महानगरपालिकाले शुक्रबार माइकिङ गर्दै सोमबारभित्र पार्टी कार्यालय हटाउन अल्टिमेटम दिएको हो ।

उठेन फोन

काठमाडौं महानगरका मेयर बालेन्द्र शाहको निर्देशनमा मापदण्डविपरीतको राप्रपाको भवन भत्काउन गत शुक्रबार नै सूचना जारी गरिएको थियो । सुचना जारी गरेपछि राप्रपा अध्यक्ष राजेन्द्र लिङ्देनले मेयर शाहसँग फोनमा सम्र्पक गर्न कोशिश गरेका थिए । तर, मेयर शाहले अध्यक्ष लिङ्देनको फोन नउठाएको महानगर स्रोतले जानकारी दिएको छ ।

शुक्रबारदेखि सोमबारसम्म लिङ्देन र उनको सचिवालयले मेयर शाहसँग भवन भत्काउने विषयमा कुराकानी गर्न ७ पटक फोनमार्फत कल गरेको स्रोतको दाबी छ ।

मेयर शाहले यति पटक फोन गर्दा पनि लिङ्देनको फोन नउठाएको स्रोतले बतायो । ‘मेयर साहेव आफनो हिसावले काम गर्नुहुन्छ । उहाँले कानुन राम्ररी पढनुभएको छ । त्यही भएर राजनीतिक हस्तक्षेप रुचाउनु हुँदैन् ।’ उनले भने, ‘राप्रपा अध्यक्ष लिङ्देनले आफनो पार्टी कार्यालयको भवन भत्काउने विषयमा कुराकानी गर्ने फोन गर्नुभएको थियो होला । मेयर साहेवले उठाउनु भएन । फेरी सार्वजनिक विषयमा एउटा राजनीतिक दलसँग के फोनमा कुरा गर्नु भन्ने उहाँलाई लागेको होकी ।’

मेयर शाहले फोन नउठाएको विषयमा स्यंम राप्रपाका अध्यक्ष लिङ्देनले समेत सञ्चारमाध्यममा बताएका थिए । उनले राप्रपाको भवन भत्काउने विषयमा कुराकानी गर्न मेयरलाई फोन गरेपनि उहाँ सम्र्पकमा आउन चाहनु नभएको उनको भनाइ थियो ।

लिङ्देन उर्जा तथा जल स्रोत मन्त्री तथा उपप्रधानमन्त्री समेत भएको थिए । मेयरको सचिवालयका अनुसार मेयर शाहले ठेक्कदार, राजनीतिक दलका नेता, कथित सामाजिक अभियन्ता र केही व्यापारीसँग फोनमा कुराकानी गर्न नरुचाउने गरेका छन् ।

वालेन शाह सार्वजनिक कार्यक्रम बाहेक खासै सञ्चारमाध्यमा समाचार बन्न पनि नरुचाउने गरेको उनको सचिवालयले जनाएको छ ।