सांगीतिक समूह नेपथ्यले पूर्वदेखि पश्चिमसम्म एक महिना लामो देशव्यापी सांगीतिक यात्रा गर्ने भएको छ । नेपथ्यले आगामी मंसिर १६ गतेदेखि पुस १६ गतेसम्म ‘मानवता प्रवर्द्धन अभियान’अन्तर्गत सांगीतिक कार्यक्रम गर्न लागेकाे हाे ।

विराटनगरस्थित हाटखोला मैदानमा मंसिर १६ बाट नेपथ्यको पहिलो प्रस्तुति सुरु हुने छ । त्यसपछि १९ गते वीरगन्जको आदर्शनगर रंगशाला र २२ गते हेटौंडाको भूटनदेवी स्कुल मैदानमा नेपथ्यले  प्रस्तुति दिने छ ।

त्यसैगरी, २५ गते नारायणघाटको क्याम्पाचौर र २९ गते नेपालगञ्जमा नेपथ्यकाे सांगीतिक कार्यक्रम आयोजना गरिनेछ । त्यसपछि पुस ३ गते ब्यान्डले धनगढीको रंगशालामा प्रस्तुति दिने छ भने वीरेन्द्रनगर सुर्खेतको खुलामञ्चमा पुस ६ र  बुटवलस्थित रामनगर खेलमैदानमा ९ गते  ब्यान्डले प्रस्तुति दिने तय भएकाे छ ।

त्यसपछि नेपथ्यको यात्रा होम ग्राउण्डमा प्रवेश गर्ने छ । पुस १२ गते ब्यान्डले पोखराको नयाँबजारस्थित प्रदर्शनी केन्द्रमा कार्यक्रम गर्नेछ । अन्तिममा ब्यान्डले पुस १६ गते काठमाडाैंकाे  भृकुटीमण्डपमा प्रस्तुति दिने छ ।

नेपथ्यको यो यात्रालाई नेपालयले व्यवस्थापन गरेको छ ।

प्रकाशित समय : १२:०२ बजे