मेगा बैंक नेपाल लिमिटेडले उदयपुरको गाइघाटस्थित जिल्ला मालपोत कार्यालयमा एक्स्टेन्सन काउन्टर विस्तार गरेको छ ।

त्रियुगा नगरपालिका-१०, बोक्सेस्थित मालपोत कार्यालयमा बुधबारबाट बैंकले एक्स्टेन्सन काउन्टर विस्तार गरेको हो । अब मालपोत कार्यालयको सबै सेवाको आर्थिक कारोबार बैंकमार्फत नै हुने भएकाले सेवाग्राहीलाई सहज हुने र मालपोत कार्यालयलाई पनि आर्थिक पारदर्शितामा सहज हुने विश्वास लिइएको छ ।

एक्स्टेन्सन काउन्टर विस्तार गरेर सेवा र सञ्जाल विस्तार गर्ने बैंकको नीतिअनुरुप बैंकले यसअघि पनि विभिन्न स्थानमा एक्स्टेन्सन काउन्टरहरु विस्तार गरिसकेको छ । बैंकको हाल देशभर २०८ वटा शाखा र २६ वटा एक्स्टेन्सन काउन्टर सञ्चालित छन् ।

प्रकाशित समय : १६:२१ बजे