एनआइसी एशिया बैंकले सर्वश्रेष्ठ बचत खाता योजनाअन्तर्गत बैंकका विभिन्न शाखामा बचत खाता खोलेका २ जना ग्राहकलाई खातामा उपलब्ध घातक रोग बिमावापत प्रतिव्यक्ति १० लाखको दरले कुल २० लाख बिमा रकम भुक्तानी गरेको छ ।

यस बैंकको नेपालगञ्ज शाखामा ‘एम्बेसडर’ श्रेणीको सर्वश्रेष्ठ बचत खाता खोलेका सुजन शाह र तिनचुली शाखामा सोही खाता खोलेका स्व. महेश कपालीको हिताधिकारीलाई बैंकका नायब प्रमुख कार्यकारी अधिकृत सन्तोष कुमार राठीले उक्त बिमा रकम बराबरको चेक हस्तान्तरण गरेका छन् । बैंकले सो बिमा रकम नेपाल इन्स्योरेन्ससँगको सहकार्यमा भुक्तानी गरेको हो ।

यस बैंकको बचत खातामा उपलब्ध बिमा सुरक्षण योजनाअन्तर्गत हालसम्म देशभरका १ हजार ७ सय ३३ जनाभन्दा बढी ग्राहकले घातक रोग बिमावापत २ करोड ६० लाख, दुर्घटना बिमावापत ७० लाख र मेडिकल बिमावापत ३ करोड ३१ लाख गरी कुल ६ करोड ६१ लाखभन्दा बढी बिमा रकम प्राप्त गरिसकेका छन् ।

प्रकाशित समय : १७:४९ बजे