‘जीवन बिमा जरुरी छ’ भन्ने मूल नाराका साथ स्थापना भएको रिलायबल नेपाल लाइफले कम्पनी सञ्चालनको पाँच वर्ष पूरा गरी छैठो वर्षमा प्रवेश गरेको छ । यस अवसरमा देशभर रहेकाे कम्पनीका शाखाहरूले विभिन्न सामाजिक कार्य गरेकाे छ ।

स्थापनाको यस अवधिमा कम्पनीले नेपाली बिमा बजारमा ५० लाखभन्दा बढी बिमालेख जारी गरेकाे छ । पाँंचौ वार्षिक उत्सवको अवसरमा कम्पनीले राष्ट्रिय आविष्कार केन्द्र नेपाललाई पाँच लाख रुपैयाँ सहयाेग गरेकाे छ । ‘कम्पनीलाई यस स्थानसम्म पुयाउन सहयोग गर्नु हुने बीमितहरु, नियामक निकायहरु, एजेन्सी म्यानेजरहरु, अभिकर्ताहरु, संस्थापकहरु, कर्मचारीहरु, पत्रकारहरु, लगायतलाई हार्दिक धन्यवाद व्यक्त गर्दछौं,’ कम्पनीले भनेकाे छ ।

यसका साथै वार्षिक उत्सवको उपलक्ष्यमा भद्रपुर, विराटनगर, धनगढी शाखाद्वारा रक्तदान कार्यक्रम आयोजना गरकाे कम्पनीले जनाएकाे छ । राजविराज तथा वुटवल शाखाद्वारा स्थानीय अस्पतालमा बिरामीहरूलाई फलफूल वितरण गरेकाे थियाे । निजगढ शाखाले एकल महिलाहरुलाई खाद्य सामग्रीहरु वितरण गरेकाे थियाे भने बेशीसहर शाखाले ट्राफिक संकेत सहयोग गरी वार्षिकउत्सव मनाएकाे छ । यसका साथै मणिग्राम शाखाले अपांग आश्रमलाई सहयोग गरेकाे थियाे ।

आगामी दिनमा निरन्तर उत्कृष्ठ सेवा प्रदान गर्ने कम्पनीले प्रतिवद्धता जनाएकाे छ ।

प्रकाशित समय : १५:२० बजे