महालक्ष्मी विकास बैंकले असोज मसान्तभित्र तिर्नुपर्ने ब्याज भुक्तानी गरेमा भुक्तानी भएको ब्याज रकममा १० प्रतिशत छुट गर्ने भएको छ । बैंकबाट ऋण लिएका ग्राहकहरुलाई कोरोनाभाइरस (कोभिड- १९)का कारण उत्पन्न असहज परिस्थितिमा राहत पुर्‍याउने उद्देश्यले त्यस्तो छुट योजना ल्याएको बैंकले जनाएको छ ।

बैंकले ब्याज रकममा १० प्रतिशत छुट असोज मसान्तभर प्रदान गर्नेछ । ग्राहकहरुले यस विषम परिस्थितिमा पनि कर्जाको किस्ता/ब्याज भुक्तानी गरेर देखाएको इमान्दारिताको कदर गर्दै बैंकले केही कर्जाहरुमा ब्याजदर समेत घटाएको छ ।

देशका सहरी तथा ग्रामीण क्षेत्रका विभिन्न स्थानहरुमा १०२ वटा शाखा तथा ३४ वटा एटीएममार्फत बैंकले सेवा प्रदान गरिरहेको छ । बैंकको ग्राहक संख्या करिब ५ लाखभन्दा बढी रहेको छ ।

प्रकाशित समय : २१:४५ बजे